Bteng ka jingjur slap ha Sohra, duna bha ha Umiam

Shillong: Ka jinghap slap hynnin ka sngi, ha Shillong, ka long 27.1mm, katba mynta ka sngi, ka long 6.4mm. Ha Sohra, hynnin ka sngi, ka long 131.2mm, katba mynta ka sngi, haduh ka por 2.30 nohsngi, ka long 98.8mm bad nangta ha Umiam, ka long 11.4mm, hynnin ka sngi, katba mynta ka long 1.1mm.

Lashai ka sngi, kan don ka jinghap slap, kaba malu mala lane kaba kham jur, ha ki bynta jong ka nongbah Shillong bad ki jaka ba marjan. Ha baroh kawei ka jylla, kan don ka jinghap slap, kaba jur bad kaba jur bha, ha ki jaka jaka bad kan don ka jingkhie eriong bad tied pyrthat ruh kumjuh.