Ka aiñ shirong UCC, dei ka buit elekshon 24, ong u Lyngdoh Musulman

Shillong:U Lyngdoh ka niam Musulman Shillong u Sayeedullah Nongrum, ula ong mynhynnin ka sngi ba ka jingthmu ka sorkar BJP ban pyntreikam ia ka aiñrew shirong, ka Uniform Civil Code ka dei ka buit elekshon 2024.

Haba kren ha ka jingrakhe ia ka id mynta ka sngi, u Nongrum ula ong ba ka UCC ka la don lypa ha ka niam Muslim hynrei ym dei ban phiah halor ka jingngeit. Ka sorkar kam dei ban wanrah ia ki ain ban pynthut ia ka shongsuk jingsain ha ka ri.
“Ka dei na bynta ka elekshon. Ka UCC kala don lypa hynrei ban pyniapher ban pyniaphiah ia ki jait niam bapher bapher”, la u bah Sayeed haba kren mynta.

U la ong, “Ka UCC ka la don naduh hyndai, ka dei ka personal law, balei phi kwah ban wanrah ia ka jingiapher, balei phi kwah ban phiah ia ka ri. Ngi don bad ka sorkar bad ka sorkar BJP ka la leh shibun ki kam ba bha bad ngi kwah ba ka President, u Myntri Rangbahduh ka ri ban ai kajuh ka kyrdan ba iaryngkat ia baroh ki niam”, la ong u bah Sayeedullah.

Mynta ka sngi ki paid Muslim kila ia mih da ki lak ngut ban rakhe ia ka Eid AL Adha ha Shillong.
Ha jaka mane ha Laban, la sakhi ia ka jingwan tuid ki paidbah Muslim ban leh burom ia kane ka sngi katkum ka jingngeit jongki ban mane ia u blei Allah.
Ha kum kane ka sngi, la ju pynlong ruh ia ka jingkñia da ki Blang ban duwai ia u Allah lyngba u Jibreel.