Trei jubor u lapbah Sohra, la arsngi kynthih, duna slap ha Umiam

Shillong: Ka jinghap slap, hynnin ka sngi, ha Shillong, ka long 47.1mm, katba mynta ka sngi, ka long 25.6mm. Ha Sohra, ka jinghap slap, hynnin ka sngi, ka long 172.0mm, katba mynta ka sngi, ka long 109.6mm. Ka Umiam, ka duna slap bha, ha kaba hynnin ka sngi, ka long 6.6mm bad mynta ka long 8.6mm.

Ha ki 24 kynta, ki ban wan, ka lah ban don ka jinghap slap, kaba malu mala lane kaba kham jur, ha ka nongbah Shillong bad ki jaka ba marjan, katba ha ka jylla hi baroh kawei, kan lah ban don ka jingkhie eriong bad ka jingtied pyrthat bad nangta, kan don ka jinghap slap, kaba jur bad kaba jur bha, ha ki katto katne ki jaka.