Shillong:U MDC ka Nongthymmai u bah Latiplang Kharkongor, u la ong ba ha kine ki sngi ki briew na jylla Manipur, ki la wan tuid ban phet rieh sha thain Madanriting bad kiwei ki jaka hadien ba ka la mih ka jingiakynad ha katei ka jylla.
Haba kren mynta ka sngi, u bah Latiplang u la ong ba la ioh jingtip ha ki ar taiew mynshwa bad la don ki rangbah dong kiba la wan ujor ia kane ka jingwan buhai shnong ha ka por mynmiet da ki kali. Hadien kane, na ka liang ka shnong ka la ap shnong ban peitngor ia kiba wan rung beain, watla ki kam ba ki wan sha ki ïing ba haïing.
“Kaei kaba ngi ioh ia ka jingtip ar taiew mynshwa, la don ki Rangbah Shnong kiba la ujor ba don ki kali da miet ki wan rung wan kit briew hynrei ka eh ban kem ioh wan ki shipai”, la ong u bah Latiplang.
U bah Latiplang u la pynpaw ia ka jingsngew khia namar ba shisien ba ki briew kila wan rung ha kane ka jylla, kim mih shuh bad kila ioh lad ban trei bun ki kam. Wat ka sorkar ruh kam shym la shim khia bad kane ka long ka jingma ia ka jaitbynriew.
Kine ki briew ki wan da kaba kam ba ki wan iakynduh ia kiba haïing namar ba ha katei ka shnong ki bun bha kiba iadei para jaitbynriew jongki. “Ha ka jingshisha ka don ka ain, ha kaba ka shnong ka pyrkhing bha bad hadien ba la ioh ia ka jingujor kila ia ap shnong”, la ong u MDC ka Nongthymmai.
U la bynrap, “kine ki briew ki wan da miet, ki ong ba wan sha kiba haïing bad ka shnong, ka la pyrkhing bym shah shuh ban wan rung da miet ne mynstep bad ki seng longkmie, seng samla kiba shim khia”.
U la ong ba kaba ma ka long ba ki briew shisien ba kila wan rung sha kane ka jylla, kim ju mih shuh. “Ka jinglong jingman ha Manipur ka la sinew bad bun ki jaitbynriew nabar kiba la ioh jaka ha thain khappud ka jylla bad ki sah shatei, uba ai ruh ym tip, ki thied nangno ruh ym tip bad kine kiba wan phet na Manipur ki bun bha kiba riehtngen katkum ka jingtip ba ngi la ioh”, la ong u bah Latiplang.
Kaba sngewkhia ka long ba ka sorkar ruh kam shim khia satia ia kane ka jingwan rung ki briew nabar. “Ka sorkar ruh kam shim khia, ki khyrdop talasi briew ha Byrnihat, ha Umkiang kim trei satia haduh mynta”, u la ong.
kumno mo um iohsngew shuh ki sengbhalang kum kane ka por ..ha kito ki por ba mih ba huri hura ki refugee Rohingyas ba Myanmar ki sengbhalang/sorkar ki peotngor bha ka rukom rung mih.Phewse mynta baroh lah jar2..Kam don jingmut ban shu dawa hok tang ha sor namar sha khap sor ki briew jong ngi ki.im jingjar.Lada kine ki phetwir kuki ki rung tikna ki nym liet phai shuh bad sa piet ki nong khaii drugs kan jur haduh ka crime bad corruption kan kiew..Influx leads to crime.Shano ki party ieid Ri ka VPP ban wanrah awareness..Ja ioh ei