Shillong:Ka seng na rilum Garo kaba la tip kum ka Achik Concious Holistically Integrated Krima (ACHIK) ka la aipor tang shitaiew, ia ka sorkar jylla, haba iadei bad ka jingdawa ia ka jingpyntreikam ia ka Roster system bad ban pyniaid na shadien, ia ka bhah thungkam thungjam hapoh ka jylla.
Ha ka jingpyl lait khubor, ka ACHIK ka khlem kren eiei satia ia ka Expert committee, kaba ka sorkar jylla ka la rai ban peit bniah ia ka Roster system bad ka State Reservation policy.
Hynrei kane ka seng ka dawa bad ban biang ia ka juh kaba ka la kren myn shwa ba ka jing pyntreikam ia ka roster system ka dei ban long na sha ki snem kiba mynshwa, shai sha kito ki jaitbynriew ba duna ha ka iohkam ioh jam bad ban ithuh ruh ia ka jingbishar ba hok bad ban pynneh ia ka jingia ryngkat lang bad kynthup lang.
Da ka bhah kam bhah jam ha ka jinglong ba iaid sawdong ka roster system ka pyntikna bad shai ba ki Schedule Tribe bad Schedule Caste lem bad ki other backward classes lem kiwei- pat ki kynhun, ka lah ruh ban pynithu ia ka jingnoh shiliang bad ka long kum ka madan ialehkai ia baroh ki paidbah nong shong shnong, la iathuh u President ka Achik u Thomas M Marak.
U la ong ruh ba ka long kaba pangnud namar ym pat shem la pyntreikam satia namar ka Roster system kam dei satia ka jingbthah hynrei ka dei katkum ki aiñ kaba ym lah satia ban kyntait. Kiba kum kine ki jingleh kim dei satia tangba kyntait ia ki ain, hynrei ka pynduh ruh ia kito ki briew kiba don ka jing angnud.
Ka Achik ka kwah ruh ba dei ban pyntreikam ha baroh ki tnat treikam jong ka sorkar, jaka pule bad ki Public sector organisation.
Kane ka seng ka kwah ruh ba ka sorkar ka dei ban ai ka jubab ba kumno kin pyntreikam hapoh Hynñiew sngi ha ryngkat ka jingia phylliew jingmut kaba shongnia bad ki riew shemphang ki nongmihkhmat na kito ki kynhun bad baroh kiba ia don bynta lang ban ia pynbeit ia ka lynti ban pyntreikam.
Kat kum ka paragraph 2 jong ka Resolution jong ka Meghalaya State Reservation Policy 1972, ka kren shai ba lada ha u snem thungkam kano kano na ki ST ne OST kim don ki candidate kiba long qualify ban appoint ha uta u snem thungkam, ka MPSC kalah ban thungkam da kiwei pat ki ST na meghalaya kiba long qualified. Bad pyndap lut ha baroh ki posts ba mih ha uta u snem. Nuksa, lada ki khasi-jaintia kim don qualified candidate, lah ban pyndap ha ki posts ba duna da ki garo ne ki OST. Shu buh ha uta u snem duna 5 ngut ki khasi-jaintia, te ka MPSC kalah ban thung da ki garo ne OST kiba long qualified. Te ia kine ki 5 tylli ki post badei hok jong ki khasi-jaintia yn thep kheinlang noh ha u snem ban thungkam biang ka MPSC. Te shu buh ha u snem ba lah dep ki thep da 5 ngut ki Hajong kiba long qualified, ha u snem babud pat ki 5 tylli ki reserved posts na bynta ki Hajong/OST yn thep noh da ki khasi-jaintia.
Kane ka rule ka kynthup kumjuh ia ki khasi-jaintia, garo bad Other Schedule Tribe (OST).
Katkum ka paragraph 2 jong ka Resolution jong Ka Meghalaya State Reservation Policy 1972, lada ym lah ban pyndap ia kito ki 5 tylli ki posts ne ym don qualified candidate hi na khasi-jaintia ha uwei pat u recruitment year, kito ki posts ba duna qualified candidate yn nym lah shuh ban rah sha uwei pat u recruitment year ka MPSC.
Bad ruh katkum ka paragrah 2 jong ka Resolution jong ka Meghalaya State Resolution Policy 1972, ka jingthep kam na ki khasi-jaintia ne garo ne OST ym lah bam palat ia ka 90% na ki posts ba lait jong ka MPSC ha uno uno u recruitment year jong ka MPSC.
Te ka jingdawa jong ki ACHIK ban thep lut ia ki posts ba duna jong ki garo bad ost naduh u snem 1972 jong ka mpsc kam don nongrim ne shongnia eiei ruh em.
Ka solution ia ki ACHIK kalong ba kin pule bad sngewthuh ia ka paragraph 2 jong ka Resolution jong ka Meghalaya State Reservation Policy 1972. Lada ki lah sngewthuh ia ka paragraph 2 yn nym don huri hura hi ia ki ACHIK.
ban lait ka huri hura phiah noh iaka state shaka khasi bad garo state.
nangne shakhmat u garo u nym dei shuh ban shah ban thied jaka hapoh ka jaka khasi namar ki khasi kim ju liet thied sha garo.
ki employment ruh kumjuh kaba dei haki kam private dei ban employ tang ki briew lajong
ki Garo ki la ioh tam lypa ha ki por ba la dep. mynta pynthymmai noh ia ka policy. aka dei ban ñiew ia ka population bad ai ia ka bhah kat kum ka jingbunbriew.