Ka ain shna iing ka KHADC ka long beain, ong ka sorkar

Shillong, 25 Nailur:
Ka sorkar Megha laya ka la pynbna iar ba ka ain shna iing ba la pynmih da ka KHADC ka long beain namar ba khlem iaid katkum ki kyndon.
Ha ka jingpynbna ba la pynmih ha kane ka sngi Thohdieng, u Under Secretary ka tnad District Council Affairs (DCA) u la ong ba ka jingpynbna ba la pynmih da ka Executive Committee (EC) ka Khasi Hills Autonomous District Council (KHADC), Shillong ha ka Gazette  ka Meghalaya (Extra-ordinary) ha ka 25 tarik Nailar, 2015 ka dei ka bym shym la ai bor.
U la ong ba ka sorkar jylla ka la pynmih ia kane ka jingpynbna hadien ba ka KHADC ka la iaid lait ia ki kyndon khlem iaid katkum ki kyndon da kaba shu pynmih ia ka jingpynbna ia ka “Khasi Hills Autonomous District (Land Development and Building) Regulation, 2015”  kaba pynbna ha ka Part-IV  ka Gazette ka Meghalaya (Extra-ordinary) ha ka 25 tarik Nailar, 2015.
Na ka bynta ka jingtip paidbah, ka sorkar ka la pynbna katkum ka Paragraph ka Chapter XIV ka Meghalaya Secretariat, Manual of Office Procedures, 1993,  ka Gazette (Extra-ordinary) lah ban shon da ka jingpdiang ka Printing and Stationery Department lait noh haba kane ka bor la pynkhamti kum ka Ain da ka Law Department lane ka jingpynbna da ka Assembly Secretariat bad ka Election Department.
Ka sorkar ka la ong ba ka Paragraph 186.6 ka Manual ka la kdew shai ba ka jingpynbna ba la pynmih ha ka Gazette (Extra-ordinary)  dei ban soi da u  Secretary lane u ophisar bym duna ia ka kyrdan Deputy Secretary.
Hynrei ia kane ka rukom khlem bud da ka KHADC haba pynmih ia ka jingpynbna ha ka Meghalaya Gazette (Extra-ordinary) ha ka 25 tarik Nailar August, 2015, la ong ka sorkar.
Shwa ia kane, ka “Khasi Hills Autonomous District (Land Development and Building) Regulation, 2015  ka la pynmih ia ka jingpynbna ha ka Meghalaya gazette  ba ka ain shna hapoh jaka ka district council donkam ban shim permishon na ka KHADC ban shna iing shna sem bad ym dei na ka Meghalaya Urban Development Authority (MUDA).
Hynrei da kane ka jingpynbna ka sorkar, ka ain shna iing ka district council ka la iap.