Mynsaw jur 6 ngut na ka jingtied u pyrthat ia kawei ka iing ha Umsohlait

Nongpoh: Ha ki kynta jong ka jinghap slap hapoh ka shnong Umsohlait, Mawhati ha Ri Bhoi, ka la don ruh ka jingtied u pyrthat bad ha katei ka jingtied u pyrthat hapoh katei ka shnong, ka la pynjulor eh ia kawei ka iing bad kaba la wanrah ruh ia ka jingmynsaw jong Hynriew ngut ki briew.

Katei ka jingjia, ka la jia hynnin ka sngi ha ka por 3 baje eiei janmiet, ha kaba la ong ba ha kaba kum katei ka por ba hap slap, ki la don ki briew kiba leit ban rieh slap hapoh katei ka iing, pynban ha kaba kum katei ka por la ther kynsan u Pyrthad bad kaba la pynlong ia kitei kiba la leit rieh slap bad kiba don hapoh katei ka iing ba kin mynsaw.

Ia kitei kiba la mynsaw, ha kaba nyngkong la rah noh sha Mawhati PHC, hynrei namar ba ki la jur palat ka jingmynsaw, kumta la pynkit noh mar mar ia ki sha ki jaka sumar kiba don ha Nongbah Shillong, na ka bynta ban ioh ia ka jingsumar kaba biang.

Haba iadei bad katei ka jingjia, la ong ba katei ka iing kaba la mad ia ka jingshah tied Pyrthad, ka la ingkhong hi khait, kaba la julor eh bad kaba la poi da ki lak tyngka ha ka jingjulor, namar namar ki jingdon jingem hapoh katei ka iing, ki la ingkhong hi khait bad ki la kylla dpei.