Khlem bud ki jingkieng thew ia ki kyndon ka Transport

Shillong, 25 Nailur:
Ki lai tylli ki seng bhalang JNV-CB, ka HNYF-WJZ bad ka CRJM ki la lap ba ki jingkieng thew kiba don hapoh rilum Jaintia kim shym la bud iaki kyndon jong ka tnat transport.
Ha ka kyrwoh ba la pyllait kine ki seng bhalang ki la ong ba kat kum ka RTI ba la pan  na ka  tnat ka ong ba kino kino ki kali kiba kit ia ki mar ki mata ki dei ban iaid lyngba kine ki jingkieng thew ba ki dei ban siew laiphew tyngka ia ka bai thew bai woh.
Katkum ka hukum ba la paw ha u snem 2009, bad ha kajuh ka por kine ki jingkieng thew ki dei ban pynbiang iaka jing khia jongka jing thew jong ki kali.
Ka number jong ki kali, bad ki jait kali bad haka juh ka por ki hap ai iaka slip ba thew sha kino kino ki kali ki ba thew ba woh lyngba kine ki jingkieng thew.
Ha kajuh ka por katkum ka RTI ba la paw ki nongtrei jong ka transport department kiba dei peit ha kine ki jingkieng thew naduh ki MVI, Enforcement, Checker kim lah ban shim bainong na ki trai lane ki nong pyn iaid jong ki jingkiewthew.
Kine ki lai seng ki la pynkhreh ban ai daka dorkhas sha u myntri ba dei peit ia katei ka tnat bad kin iai bud dien iaka rukom trei kam jong kine ki jingkieng thew ba ki bud ne em ia ki kyndon bala bthah da k ne ka tnat, la ong ka kyrwoh na u President ka Jaintia National Volunteer u Bah P Sari.