Ha bym long shuh ban bam doh, ka China, ka ai da ka jyntah, ba la shet da ki maw

Ha kine ki sngi, ba ki doh bapher, kim long shuh ban bam, hynrei ka China, ka don ia ka buit shet jyntah da u maw. Ka kam ki nongbam, ka long, ba kin jliah, kin kjup bad kin ktha malu mala bad kin sa khlei noh ia kitei ki jyntah, kiba dei ki mawria lane kiba lum ki maw shutmet kiba rit bad kitei ki jait maw, ki don byllai bah ha Hubei, kawei na ki jylla jong ka China.

Ki nongshet ia kitei ki maw, ki da batai shai, ia ki nongbam, ba ki lah ban bam ia ki jingkhleh bapher, kiba la shet bang bha bad kiba sop ia kitei ki maw, tangba kim dei pat ban nguid ia ki maw. La pyni ia ki video bapher, ha kaba ki la don bun bah ki nongbam, kiba mad bad kiba la jliah ia la ki dieng tong jingbam, namar ba katei ka jyntah ka bang palat. La iathuh ba ka jyntah, ka dei hi ka jyntah kylla, kaba la pynbiang lut ia ki musli musla bad ki rukom shet kiba pynhun ia ka jingmad jong ki nongbam.