Ujor sha ka NGT, pyrshah ia ka sorkar

Shillong, 24 Nailur:
Ka State Co-Ordination Committee of Coal Owners Miners and Dealers Forum (CCCOCOMDF) ka la ujor pyrshah ia ka sorkar jylla sha ka Principal Bench jong ka National Green Tribunal ( NGT) ha nongbah Delhi bad halor katei ka jingujor jong katei ka seng ka NGT kan shong bishar ha ka 29 bad 30 tarik mynta u bnai.
Katei ka ujor pyrshah ia ka sorkar jylla namar ba kam shym la pyntreikam ia ka hukum ba ka NGT ka la pynmih ha ka 31 tarik u naitung, 2015 ha kaba katkum katei ka hukum ka NGT ka la hukum ia ka sorkar ba ka dei ban ai Challan ia ki trok 10 shaka bad 12 shaka kiba lah ban kit bun eh haduh 19 ton u dewiong, hynrei ka sorkar haduh mynta ka shym la ai challan ia ki nongkhaii dewiong ba kin pyniaid ia u dewiong jong ki.
Shwa ia kane katei ka seng ka la thoh sha Chief Secretary ka jylla , sha u Addl Secretary i/c Transport bad kumjuh sha u bah I.W Ingty uba dei u Commissioner ka tnad Transport ha kaba ka la kyrpad ba ka sorkar kan pyllait noh ia ka Challan, hynrei katkum ka jingong ki nongialam katei ka seng ki la ong watla ki la bun ki jingkyrpad bad ki jingthoh ba la pynher sha ka sorkar hynrei kam shym la sngap satia bad dei na katei ka daw ba katei ka seng ka la leit ban ujor sha ka Principal Bench jong ka NGT.