Ka sorkar jylla ka dei ban dawa ka bhah thung kam, ha ki tnad ophis sorkar bapher bapher

Albert Maring, Umdap dumu, Ri bhoi dist

Ka sorkar jylla ka la dei ban pan bad dawa ka bhah thung kam ha ki tnad Ophis sorkar bapher bapher jong ka sorkar pdeng kiba don ka shlem trei kam hapoh ka Meghalaya kum ka NEIGHRIMS, NEEPCO, NEHU, NEC,. I C A R bad kiwei kiwei ki tnad ophis sorkar pdeng ka sorkar jylla ka dei ban dawa ka bhah thung kam 50% na ka sorkar pdeng ban ban ioh rung da ki Khasi, Jaintia bad Garo ha ki tnad sorkar pdeng kiba don hapoh ka jylla, ha ka jingshisha haba wan ki shlem trei kam ne ki shlem ai jing hikai hapoh ka jylla ki nongshong shnong ka jylla, kum ki khasi, jaintia bad Garo ki dei ban ioh lad ban rung kam kham bun ki trai shnong kumba long ha kiwei kiwei ki jylla ki trai nongshong shnong ki trai jylla ki ioh.

Hynrei ha Meghalaya bun ki nong trei ha ki tnad treikam bad ki shlem ai jing hikai jong ka sorkar pdeng ba don hapoh ka jylla ki dei ki ba wan na ki wei ki wei ki jylla jong ka ri India ki ioh ia ka lad ban wan trei sahuh katba mon.

Namarkata ka sorkar ka la dei ban kren bad dawa ka bhah thung kam na ka sorkar pdeng ba dei ban thung kam kham bun da ki paidbah khasi, jaintia bad Garo ym dei shuh ban dang ailad ia ki briew ba nabar jylla ban ioh rung kam ha ki tnad ophis treikam bad ki tnad ai jinghikai ka sorkar pdeng ba don hapoh ka jylla ki trai nongshong shnong ki trai jylla ki dei ban ioh jingmyntoi haba wan kino kino ki tnad treikam bad ki shlem ai jinghikai.