Nongpoh:Da ki phew ngut ki bar jylla khlem kot khlem sla bad kiba la thmu ban rungtuh sha ka jylla Meghalaya, khlem da don ki kot ki sla kiba biang, hynnin ka miet ki la shah bat noh ha ki dkhot jong ka KSU bad RBYO ha Umling.
Ia kitei ki bar jylla kiba la thmu ban rungtuh sha ka jylla, kitei ki nongialam bad ki dkhot ka KSU bad RBYO, ki la iohbat ia ki na kawei ka trok kaba don ia u number ML-10A-7798, ha kaba hadien jong katei ka Trok la thep da kitei ki bar jylla suda bad kiba ym don ia ki kot ki sla kiba biang.
Ka jingiohbat da kitei ki kynhun seng ia kitei ki bar jylla, ka dei hadien ba ki la ioh jingtip, ba la don kawei ka trok kaba la kit ia kitei ki bar jylla bad kiba la thmu ban rungtuh sha ka jylla, khlem ki kot ki sla kiba biang bad kumta haba ki la pynapshrip ha katei ka jaka, ki la iohbat shisha ia kitei ki bar jylla.
Kitei ki nongialam seng, haba ki la iohbat ia kitei ki bar jylla bad hadien ba ki la lap ba kim don ia ki kot ki sla kiba ba biang, ki la pynphai dientrai noh ia kitei ki bar jylla.
Haba iadei bad katei ka jingiohbat bar jylla khlem kot khlem sla da kitei ki kynhun sengbhalang, na ka liang ki Pulit kiba don ha Infiltration Check Byrnihat, ki la ong ba kim don jingtip eiei halor ka jinglait jong kita ki bar jylla bad hadien ba kitei ki kynhun seng, ki la bat ia kitei ki bar jylla, kim shym la leit pyntip ne leit aiti ia kitei ki bar jylla sha ki Pulit ka tnat Infiltration kaba don ha Byrnihat.
wat khuslai ynda lah kylla refugee hi u khasi hangman un sa sngewthuh iaka jing kordor ka Jylla lajong.Piet mynta ka Manipur hapoh manipur kaei ka jingjia.Iap 100 tam,ki iing shah thang daki hajar bad ki lah kylla phetwir bad bun ki lah poi shsne..Kane ka sorkar ka lehkai bad ka jingim ka jaidbynriew. nongialam khasi pnar ki kwah tang ban biang ialade.Boeder kim nud kum ki mizo,naga.biang ba wan kine dang lait im na u dkhar