![](https://www.urupang.com/wp-content/uploads/2023/06/DSC00748-1.jpg)
Nongpoh: Shi bynta ban pynsngewthuh bad ban pynshai paidbah halor ka jingma kaba ap na ka jingnangkiew ki samla kiba la ngop bad kyrni ha ki kam dih drok, ki Ri Bhoi ha ryngkat ka jingiatreiang bad ki bor pyniaid ka Union Christian College (UCC) Umïam, mynta ka sngi ki la pynlong ia kawei ka prokram kaba kyrpang bad kata ka long ban pynshai sha ki khynnah skul jong katei ka thain, halor ka phang Drug Abuse bad Illicit Trafficking.
Ha katei ka prokram ban pynshai sha ki khynnah skul ba paw jong katei ka thain, la sakhi da ka jingdon u Dr. LR Bishnoi, Director General of Police, Meghalaya kum u kongsan, nangta Giri Prasad, SP Ri Bhoi, kiwei ki heh pulit, ki ophisar sorkar, nonghikai bad ki khynnah skul.
Haba kren hakhmat ki khynnah skul, u Dr. LR Bishnoi, u la ong ba ka ri bad ka pyrthei hi baroh kawei, ki don hapdeng ka jingma na ka jingkiew eh ki briew kiba la ngop ha u Drok, ha kaba na ka jingdon kiba bun kiba la ngop ha u Drok, ka la buh jingma shikatdei eh ha ka imlang sahlang.
Haba batai halor ka jingdon ki briew kiba la ngop ha u Drok, u Dr. LR Bishnoi, u la ong ba na ka jingdon ki briew kiba la kyrni ha u drok, ki don kumba 74 percent na ki nongdih drok ki dei ki samla, kumta kum ka ri kaba donkam eh ia ki samla, kam kwah kwah ia ki samla ba kin ngop ha ki kam dih Drok, namarkata ka donkam ia baroh ban iashimkhia lang, khnang ba yn lah ban rat dyngkhong ia ki kam dih drok.
Phi don ban ong eiei?