Shillong:U myntri ka tnad ri jingri u bah AL Hek, mynhynnin ka sngi u la ong ba ka tnad ri dohkha kan thaw ia ka Fact Finding Team ban tohkit halor ka jinglap dawai formalin ha ki dohkha ba wanrah nabar jylla, kumba la paw ha ka test ka Food Safety.
Haba kren mynta ka sngi, u bah Hek u la ong ba u la iakynduh mynta ka sngi ia ki nongkhaïi bad ki nongdie dohkha hapoh ka lama ka Fish Retailer and Wholesaler Association kiba la pynsngew ia ki jingiakynduh jongki halor kane.
Ka seng ka la aiti ruh ha u bah Hek ia ka kaiphod kaba pyni ba ki dohkha ba wanrah nabar jylla, kata na Andhra Pradesh, ki la pynshisha ba kim don ka formalin.
U la ong ba ka Fact Finding Committee ka ban khlieh u Secretary ka tnad ri dohkha kan pyndep ia ka jingtohkit hapoh ki ar sngi ban wan.
Phi don ban ong eiei?