Ujor surok ka Mawliehbah sha U MDC

Nongstoin, 23 Nailur :
Ka Dorbar Shnong Mawliehbah ka la phah da ka jingthoh sha u MDC ka Nongstoin halor ka jingsniew palat pud jong ka surok PWD na Maw langdep sha Mawliehbah, ia kaba naduh ba la shna haduh mynta khlem pat siang rong ne siang maw satia.
Kat kum katei ka jingthoh bala phah da u bah B.K. Sohlangpiaw Sordar shnong lem bad u B.S. Roy Nongphud Secretary shnong Mawlieh bah, ki la pynpaw ba na ka liang jong ka dorbar shnong hi baroh kawei ki la kyrpad ia u MDC ban thawlad lem na ka bynta ban pynbha ia katei ka surok.
Shuh shuh kila pynpaw ruh ba kum ka shnong na ka snem sha ka snem kila ju ia mih paidbah ban ia trei ia katei ka surok, hynrei kan shymla neh satia bad kaba la wanrah bad buh ruh ia paidbah nongshong shnong ha ka jingeh namar wat ki kali rit ruh kim lait satia ba kin iaid na katei ka surok.
Katei ka jingthoh ka pynpaw ruh ba lyngba ka jingsniew katei ka surok khamtam ha ki por slap kala long ka jingtim ia ka leit ka wan ki nongshong shnong khamtam ia ki khynnah skul, kumta ka dorbar shnong kala kyntu jur ia u MDC ba un thaw lad noh ban pynbha lem ia katei ka surok.