![](https://www.urupang.com/wp-content/uploads/2023/06/image-57.png)
Shillong:Ka Awakening India Movement (AIM) Meghalaya, ka la phah ia ka shithi sha ka President jong ka ri, ka Dropadi Murmu, kumjuh ruh sha u Myntri Rangbahduh jong ka ri u Narendra Modi bad sha u Myntri Rangbah jong ka jylla Meghalaya haba iadei bad ka jingkyrpad ban ym pynlong ia ka jylla Meghalaya kum ka jaka sah jong kito ki briew, kiba la sakma na ka jingia umsnam ha jylla Manipur.
Kane ka seng ka la kdew ba ki briew kiba shong ba sah ha jylla Manipur ki dei ki Manipuri bad ki Meitei, katba ha bynta lum jong ka jylla Manipur pat la shong la sah da ki jaitbynriew riewlum ba kynthup ia ki Kuki bad ki Zo, hynrei ka thma hapdeng kine ki ar kynhun kaba la sdang naduh ka 3 tarik Jymmang,2023 ha jylla Manipur, kaba la shim ruh ia palat 70 ngut ki mynsiem briew bad mynsaw da ki spah ngut katkum ki jingiohi ha ki lad pathai khubor.
Ka jylla Meghalaya ka la ai jaka rieh ia kiba bun ki briew kiba la phet noh na ki jylla ki jong ki, katkum ki jingiohlum jingtip bun na ki paidbah nong shong shnong na jylla Manipur, ki la pan ia ki kot jingpynithuh na ki shnong ki thaw, ha kitei ki jaka ba ki don, ba kin ioh long pura noh kum ki nong shong shnong jong ka jylla Meghalaya.
Ki kynhun riewlum na jylla Manipur kham ha shwa ki la poi ha jylla Meghalaya khyndiat phew snem mynshwa bad mynta ki la long ki nong shong shnong ba pura jong ka jylla bad kane ka pynsngewsih ia ki jaitbynriew kum ki Khasi bad Garo, kiba dei ki kynhun jaitbynriew ba don ha jylla Meghalaya.
Ka jylla Meghalaya ka dei ka jylla kaba rit kaba la don ki jaitbynriew Khasi, Jaiñtia bad Garo, kiba dei ruh ki ki ritpaid ha ka ri india ba laitluid, hynrei na kawei ka sngi sha kawei pat la iohi ia ka jing jyllei ki kynhun jaitbynriew bapher ba bapher kiba wan phet na kylleng ki ri jong ka pyrthei.
Ka jingpyrshang jong ki briew na Manipur ban wan shong wan sah ha jylla Meghalaya, namar ka jingkhie jong ka thma hapdeng jong ki ka buh ia ka jingsngew syier ha kaba ka thma hapdeng jong ki ka dang bteng haduh mynta mynne.
“Wat la ngi don ka jing sngewlem ia ki paidbah nong shong shnong jong ka jylla Manipur, kum ha kane ka thma ba ki mad, ngim lah pat ban pdiang ba ka jylla Meghalaya kan dei ka jaka jong ki poiwir namar kan ktah ia ka jylla, kumta ban iada ia ka jingpoi jong ki poiwir ka ban ktah ia ki jaitbynriew ba la don ha ka jylla ngi la phah ia kane ka shithi sha ka President jong ka ri” ong ka kyrwoh na katei ka seng.
phi leh ia kaba dei eh. ngi donkam kum kita ki nongialam kiba don ka jingkut khlieh bad kiba iohi jngai na ka bynta ka jylla bad khamtam ia la ki jong ki briew.
shisien lah don ka shongsuk shongsain kum ki jaidbynriew ba ieid iala ka Ri lajong ki dei ban liet phai biang.Ka jylla ba iajan bha bad ki ka Mizoram ka dei ban pdiang.Hapoh Ri khasi te kan long kaba eh nanar tang bad u garo ruh ngi lah phet te sa bad kine kan eh.
kum ki christan ngin iarap ban sah Pura te kam iahap.