Mynta yn risain U Bah HDR kum U MDC

Shillong, 22 Nailur:
Da ka jingrai ka kyn hun myntri ban pyntrei kam ia ka Prevention of Disqualification of the Members Legislative Assembly of Meghalaya Amendment Bill, 2015 ne ka ain ban khang bam ar maloi ka la pynlong ia u mynri ka District Council Affairs u Bah HDR Lyngdoh ban khreh risain noh shen.
“Kum ka jingiadon bynta ha ka rai jong ka sorkar, nga la rai ban ialam ban risain nyng kong napdeng ki MLA ba long MDC. Ngan leit ai ia ka shithi risain lashai ka sngi hi”, la ong u Bah HDR Lyngdoh.
U la ong ba kane kan pynkut noh ia ka jingkynnoh pyrshah ia u ba u kren da kumwei ha ka sorkar bad u kren da kumwei ha KHADC.
“Ka jingrisain jong nga kan pynkut ia kane baroh”, la ong u Bah HDR Lyngdoh.
Kiwei ki MLA kiba bam ar maloi ki long u Bah Stephanson Mukhim (Ind), Bah Ardent Miller Basaiawmoit (HSPDP), Bah Metbah Lyngdoh (UDP), Bah Pyngshngainlang Syiem (Congress), Bah Phlastingwell Pangniang (HSPDP), Bah Sanbor Shullai (NCP) bad u Bah Brolding Nongsiej (UDP).