Ther jur u slap, hynnin ka sngi ha Shillong bad Umiam

Shillong: Hynnin ka sngi, u slap, ula ther jur, ha ki bynta jong ka Ribhoi District. Kat kum ka jingkhein jong ka tnat peit mariang ka sorkar India, ka India Meteorological Department (IMD), ka jinghap slap, ka poi sha ka 63.2mm hynnin ka sngi ha Umiam. Hynnin ka sngi, ka Sohra pat ka tyrkhong hi raw, ha kaba ka jinghap slap, ka long tang 0.2 mm bad ha Shillong, ha katei kajuh ka por, ka jinghap slap, ka long 71.0mm.

Mynta ka sngi, ka jinghap slap, ha Shillong, ka long 10.0mm, ha Sohra 0.8mm bad ha Umiam, ka long 10.2mm.

Ka tnat peit mariang, ka pyntip ruh, ba lashai ka sngi, kan don ka jingkhie eriong bad tied pyrthat, ha kaba ka jingstet jong ka lyer, kan long hapdeng ka 30 haduh 40 Kilometre ha ka shi kynta bad nangta, kan don ruh ka jinghap slap, kaba jur, ha ki bynta jong ka jylla.