Shillong:Hadien ka jinglehkai hynnin ka sngi, ka Rangdajied United ka la ioh ban rung sha ka semi final ha ka lympung ialehkai, Meghalaya State League 2023 da kaba pynliem noh ia ka Mulait United da 5-0 ba la ialeh na ka Group B ha Kiang Nangbah Stadium, Jowai. Da katei ka jingjop ka Rangdajied mynta ka la kamai 13 poin.
Kiba lah ioh ban thep kol hynnin ka sngi ki long u Wansiewdor Nengnong ha ka minit kaba 21 bad 90+3, u Basuklang Bina ha ka 45+2 minit, bad u Knerktilang Buam 58 bad 63 minit.
Ia ka kol kaba nyngkong lah thep da u Nengnong da kaba pyn tyngkhuh khlieh hadien ba u la ioh bol na u Ban sanbha Khongsdam. Ha shuwa ban kylla kane ka jinglehkai, u Romarius Laban jong ka Mulait u la ioh ban pyrshang sha pyrshah ka jar jong ka Rangdajied hynrei u nongap jong ka u Banshan lang Sten u la siep itynnad ia ka bol kaba dei kaba ruh kabu kaba biang eh ia ka Mulait ban ioh ia ka kol kaba nyngkong jong ka.
Ka kol kaba ar ruh kumjuh ka dei kaba lah pynrung da ka jing pyntyngkhuh khlieh jong u Bina hadien ba u la ioh bol na u Buam.
Ha shuwa ban kut ka jinglehkai, ka Rang dajied ka la ioh ia ka lad kaba khatduh ban pyr shang kaba long da ka free-kick hadien ba u Lessius Sujai jong ka Mu lait u la mait ia u Neng nong bad namar ka jing bakla kaba arsien jong u ha kane ka jinglehkai, la ruid red card ia u.
Ki jinglehkai lashai ka sngi ki long na ka Group B ha Jowai hapdeng ka Sein Pynbha lang pyrshah ia ka Youth Club Pdengkarong naduh ka por 2:30 janmiet bad kawei pat na ka Group C ha Mawkyrwat hapdeng ka Mawten pyrshah ia ka Shillong Lajong naduh ka por 3 baje janmiet
Phi don ban ong eiei?