Duna doktor, leit ujor ka KSU Laskein Circle sha ophis U DMHO

Shillong: Mynhynnin ka sngi, ka 30tarik Jymmang 2023 ka Khasi Student Union Laskein Circle ka la leit buh jing ujor sha u DM&HO West Jaintia u Dr. K. C. Ajar, halor ka jing duna doctor ha ka Community Health Center (CHC) Laskein.

Ha kane ka jingiakynduh ki nongialam ka KSU, ki la pan ka jingpynshai na u DM&HO na kaei ka daw ba pynlong ban duna doktor ha katei ka CHC bad na kaliang u DMHO u la iathuh ba ha ka jingshisha la don u wei u doctor na Nongtalang ba la ioh ban trei ha katei ka hospital, hynrei ym lah ban tip na ka ei ka daw u khlem wan join te na kaliang jong u, u la kular ban iakren bad ki bor bahalor ban iakren haka ba iadei bad kane ka kam,

Ka KSU, ka la iathuh ruh ba katei ka CHC kam ju biang doctor naduh mynshwa haduh mynta bad ia ki case barit ruh haka jaka ban leh hi ha katei ka hospital, hynrei la phah beit sha Civil Ialong bad kane ka buh jingeh ia ki paitbah khamtam kiba duk ba kyrduh. Na ka liang ka seng ka la phah iaka kyrwoh sha ki bor bahalor bad lada kim lah ban leh ha kaba iadei bad kane ka kam, ka seng kan sa iaid pat da ki wei ki lad ki lynti, ong ka kyrwoh ba la phah da u Samla Juhhi Tariang, Publicity secretary WJHDU.