Ronik T Ryntathiang
Ka Reservation policy ne bhah thungkam ha Meghalaya ka iai sah thurmur bad pynlong ia ka kynhun jong ki paralok ba kham ioh myntoi ban nym kwah shuh ban duh ia ka kabu ksiar ba ki la ioh mynta la san phew snem kynthih watla ki sngewthuh ba kane ka policy ka long pynban kaba nion bein ne discriminate ia ki samla khasi jaintia.Ha kiwei ki jylla ki ialeh katba lah ban review ne pynthymmai man la ka shi phew snem,katba ha Meghalaya pat la san phew snem kynthih ka iai neh iai sah kumjuh.Kiwei kiwei ki jylla ka ri India kiba kham heh bad kham bun paid kiba la ia milai lang naduh ki ST,SC,OBC, bad General; ki dang lah ban bhah kyrpang shuh shuh sa ia ki wei pat kiba kham duna ka kamai kajih (economically weaker section) bad kiba kham tlot bor met (people with disability); katba ha Meghalaya pat ki parti ri lum jong ngi kumba kren u president ka U.D.P haba ia khih ki paibah na bynta ban review ia ka job reservation policy ban plie lad plie lynti lem ia kiba duk bakyrduh ba kin iakiew lang ha ka ioh kam ioh jam ha ki post ba kham heh da kaba ai bhah kyrpang lem ia kiba duna kamai (economically weaker section ) u ong pynban ba ka long sensitive palat.
Ki parti trai ri trai muluk jong ngi ki ai daw tang ban tep eit miaw ia kaei ba la kular ha ka por ilection namar don na pdeng ki nongialam political parti wat tang shi pawa ruh kim don jingtip ia ka konstitution jong ka ri India bad dei hangne ba kim shlan satia bad ktait ia kane mat,ki shu tip tang ban ong ba ka long sensitive.Kwah long nongialam tang na bynta ka nam ka burom,ym na bynta ka jaidbynriew,sa ki nongbud ba khwan myntoi ruh watla ki tip bad sngewthuh eh ;hynrei ki shu peit kai tang ban ioh kabu lano u nongilam tasngeng un hap noh.Ban pynbeit kham bha bad pynwandur janai ia kano kano ka bynta kaba noh shi liang na ka bynta ka bit ka biang jong baroh lang ka long sensitive seh? Kim iohi pat ba ka jingioh bhah kaba noh shiliang ka long discriminative. Wow ! ki nongthaw ain jong ngi ki sngewlehrain ki sngewrem ia kaba long sensitive halor ka nongrim ioh shah rem ha ka ilekshon ban wan watla kata ka mat ka long ka bym dei bad bym iahap bad ka Constitution ka ri India.Kim sngewlehrain bad kim sngewrem ei ei pat de, watla ka long discriminative ,ban kyrshan ia ka bym iadei bad bym iahap tar shuh tang ban myntoi ia lade.
Don ki myntri sorkar kiba kren sha phang ka Maharashtra bad pyntieng ia ki paidbah ioh shah sloit noh ia ka bhah kyrpang ban thep kam sha ka san phew persen,khlem da pynshongnongrim patde ba ha kata ka jylla ki general ki kham bun paid ban is ki ST,SC,bad OBC.To ynnai iakren ia kiwei ki jylla,ngi donkam ban pynbeit ia ka jylla lajong.Lada kita ki paralok jongngi (garo) ki sngewmong tang namar ba ngi dawa ia kaba dei ,ka paw bad sakhi ba ki ieng ha ka nongrim ba bakla.Kane ka reservation policy kumba ka long haduh mynta kam pat ithuh satia ia kiba duk ba kyrduh ( economically weaker sections ) bad kiba tlotbor met me duna dkhot met.Kumta nga shu kwah ban kylli ia kita ki nongthaw ain ba donburom jong ngi kiba sngew sensitive ban ktait ia kane ka mat,sa katno phew snem phin rieh tngen ha kane ka reservation policy na bynta ba phin jop ilekshon?Jin lada phi dei u riewkorbar ain (statesman) uba angnud shi sha ban thaw ain ban trei shisha na bynta ka jaidbynriew,ka lynti ka jem jai jai na bynta kito ba don ha ka sorkar; shu weng jing kyrshan ia ka sorkar,tang katta hap pyndem tdong.Kaba jwat ia kito bapli ba don ha ka liang pyrshah, lada iatai ha assembly ruh ym long;ban resain noh ka jinglong M.L.A ruh ngi ki paibah pat ngi donkam ia ki namar khlem ki nongthaw ain bashlur ngin sa shah nion bun phew shah.
Kyntang iawai, ko ki M.L.A tasngeng! sa katno phew snem phi dang ia kwah ba phin ialong ki discriminator ia ka lawei jong ki khun samla?Hato phim ia sngewrem mo ban discriminate ia ki khun samla, ki para doh para snam jong ka ri? Phi ki paralok jong ngi (garo) ruh sa katno phew snem phi dang kwah ban nion bein bad khang lad ia ki khun samla jong ngi da kane ka buit ba noh shi liang?Ka jingiai pyrshah jong phi ki paralok jong ngi (garo) ban review ia ka job reservation policy ka paw shai ba phi ia long communal.Ngi dawa ia kaei kaba don nongrim bad ba dei, ym ba ngi bishni ne isih iano iano.
ka jingshisha, tangba namar ki MLA ba ngi lajied ki Shah pyniaid ha u Conrad. Sa leh kumno ne, haka to kapor ba thung sorkar jingshisha ladei ban ioh sorkar na khasi hynrei kimnud namar ki tieng ioh ur namar kimpat ju mlien.
Kumta kat kiba ioh ban pule ia Kane nga kyrpat ia baroh ba por jied nongmih khmat da duwai shwa namar lada u Blei nangthaw u ialam u soitan un phet krat.
Ki MLA khasi jong ngi ki dei ki khwan myntoi shimet tang ban ioh lum spah hynrei ha ka ba iadei bad ka jingeh jong ka jaitbynriew ki leh klet, ai daw laiphew jait bad ka batai stad ia ka ba kim tip ne sngewthuh eiei ialade. Ki ieid jaitbynriew tang ha ka por ilekshon bad da ki lah jop wat tang ka sia ilekshon ruh kam pat khuid na ki shympriah kti jong ki nongkyrshan ki lah kloi ban shet kylla ia ki kular ba ki lah khlei ha por ialap ilekshon. Ka por ka lah dei ia ki paidbah ban sian bad sngewthuh bha nangne shakhmat lada ki MLA ba ki lah pynjop kim ler kam eiei dei ban kyntait kum ia u stait ha ka ilekshon ban sa wan.
Ban kynnoh ia ki MLA ka long kaba bakla hap kynnoh ia ki paidbah keiñ kiba jied ia ki MLA khwan myntoi. Ka kamram Jong u candidate ha shwa ka election ka dei ban khroh bad pynbieit ia ka vote Jong ngi ki paidbah. Dei namar ka jingbieit spah Jong ngi ki paidbah hi ka pyllong ia ngi ba ngin saja haduh katne. Ki briew Jong ngi ki la shai ha ka jingmut jingpyrkhat hynrei ha ka bor jong ka pisa ka jingnang jingstad ka jah sha kyndong. Ki hun ban ioh ia ka 1000 ne 2000 tyngka por election kaba dei ka pisa ba shu ioh makna khlem da leit bylla bad dei na kane ka daw ba ki sa jied ia ki nongmihkhmat kiba sop da ka pisa suda hynrei ym ia ki nongmihkhmat kiba la biang ka jingnang jingstad bad kiba iohi jngai. Ym myntoi shuh ban babe hynrei hap shu ap tang ia ki jingjynjar bad jingduhnong haduh ba kut kine ki san snem bad hadien kane ka San snem ngin sa ia long biang kumjuh…. shongshit khlem pyrkhat ia ki longdien ki Jong ngi