Bym don BM ba pura, ha Raliang, Mowkaiaw; ujor ka KSU

Shillong:Mynhynnin ka sngi, ka 24tarik Jymmang 2023, kaa Khasi Student Union’s (KSU) Laskein Circle ka leit ban pan jingshai na artylli ki Bank, kiba kynthup ia ka State Bank of India Raliang bad ka Meghalaya Rural Bank Mowkaiaw, halor ka jing ujor na ki paitbah kiba donkam ia kine ki bank ba ki ia kynduh jingeh ha kaba iadei bad ka jingbym don Branch Manager da kiba trei pura, ha kitei ki Bank.

Halor kane ka seng ka la ioh jingpynshai na ka liang kitei ki arngut ki Manager bad ka seng ka ai por ba hapoh jong une u bnai ba kin pynbeit bad lada kim ioh da kiba trei pura, ka seng kan hap ban iaid da kawei pat ka lynti, khnang ba ki paitbah ka thain kin ioh ia ka jingmyntoi na kitei ki bank, ong ka kyrwoh khubor, na u samla Juhhi Tariang, Publicity Secretary KSUWJHDU.