Khang tala ka KSU, ïa ka ophis u Vice Chancellor ka NEHU

Shillong:Ka Khasi Student Union (KSU) NEHU unit, hynnin ka sngi ka la khang tala ïa ka ophis treikam u vice chancellor (VC) u Prof. Prabha Shankar Shukla jong ka skul bah NEHU halor ka jingkuman ïa ki jingdawa.

Ïa kane kala leh namar ka jing kuman ka jong u VC ban pynbiang ïa ki jingdonkam jong ki samla pule ka skulbah NEHU ha ki bun ki liang naduh ka Bus, ka jingbym lah ban pynbiang ïa ki jingdon kam hapoh Hostel bad kumta ter ter kiba ka seng ka lah buh jing dawa la haman ki por ba ka ïakynduh bad u VC.

Ka seng hynne ka sngi ka lah leit ban kynduh ïa u VC ban ïakren halor ka jingslem ban pynurlong ïa kitei ki jingdawa hynrei na kadaw ka jingbym treh u VC ban ïakynduh ka lah pynlong ïa ka seng ban khang shi syndon ïa ka ophis treikam.

Haka juh ka por ka seng ka la pynpaw ba kan nym treh shuh ban ïakynduh ïa u VC tad ynda u VC u lah pynurlong ïa ki jingdawa ba ka seng ka lah buh hakhmat jong u na ka por shaka por.