Lip bording ka thain Byrnihat, ba syllad ka trok ia ki sainar bad Post ilektrik ha Rajabagan

Nongpoh: Da ki phew tylli ki shnong kiba hap hapoh ka Raid Marwet ha Ri Bhoi, kata naduh Byrnihat ter ter shaduh Umtyrnga bad kiwei ki shnong kiba don ha khappud bad ka jylla Assam, ki la hap ban shongdum bad khlem bording, kata ka la jia hadien ba kawei ka Trok ka la rat ia uwei u Post Ilektrik baheh bad kaba la pynlong ia kiwei ki Post barit ba kin khyllem noh ha surok.

Katei ka jingjia ka la jia hynnin ka sngi U Blei ha ka por 7 baje ei ei mynstep, ha kaba katei ka trok kit rnga kaba don ia u number RJ-48-GA-5606, kaba la kit palat pud ïa u rnga, kumta na ka jingkynjang palat u rnga ba la thep ha katei ka trok, ka la rat ia u sainar bad kaba la haduh ba u post elektrik u la kdiah beit hapdeng surok bad kaba la wanrah ruh ia ka jingsahkut kali kaba jur bha ha katei ka thain.

Haba iadei bad katei jingkhyllem ki Post Ilektrik ha katei ka jaka, u Bah Sosthenes Sohtun, u la ong ba ki ophisar na ka tnat bording, ki la ong ba kan shimpor haduh 3 ne 4 sngi ban pynieng bad ban pynioh bording ha katei ka thain, ha kaba na ka liang jong u, pyntip sha u Myntri ka tnat Bording, na ka bynta ban kyntu ban shimkhia halor katei ka jingkhyllem ki Post Ilektrik.

Katei ka jinglip bording tang namar ba rat ka trok ia ki Sainar bad Post Ilektrik, ka la wanrah jingeh ia ki paidbah, khamtam eh ba katei ka thain ka dei ka jaka ba shit, ba ki briew ki donkam beit ia ka bording,