Mynta, yn iakren ki myntri jylla, ia ka roster system

Shillong:U Myntri Rangbah ka Jylla, u Conrad Kongal Sangma u la pyntip ba mynta ka sngi, yn iakren ha ka Kynhun Myntri ia ka roster system, bad ka la pynkhreh ia ka jingpynshai halor ka jingpyntreikam ia ka roster halor ka bhah thung kam.

Haba kren mynhynnin ka sngi, u Conrad u la ong ba ka Sorkar ka la pynkhreh ia ka jingbatai shai kaba bniah bha halor ka roster, bad hadien ba la iohi ia kane ka jingbatai baroh kin sa shai bad kan nym don shuh ka jingartatien.

U la ong ba ha ka 17 tarik un iakren ha ka Kynhun Myntri, ha ka 18 tarik yn rah iakren hapoh ka Kynhun jong ka MDA bad ha ka 19 tarik yn iakren bad baroh ki seng sainpyrthei ka Jylla. U La ong shuh shuh ba na ka bynta ban iasyllok bad kiwei pat ki kynhun naduh ki sengbhahlang, ki nongialam shnong bad nongialam niam yn iakren ha ka taiew ban wan.

Ha kaba iadei bad ka jingpynbna iakhih da ka VPP, u Conrad u la ong ba ki seng sainpyrthei ki lah ban kren ne kynthoh katba ki sngewbit, hynrei ka Sorkar ka hap ban treikam katkum ki kyndon.
“Ki seng sain pyrthei ki lah ban kren katba ki sngew bit hynrei ka sorkar kan iaid katkum ka kyndon”, la ong u Conrad.