Imphal:Kumba 10 ngut ki MLA na ka jylla Manipur kiba dei ruh na ki jaitbynriew bapher bapher kiba don ha katei ka jylla, ki la buh ka jingdawa ba dei ban ioh noh ia ka jylla lajong bad ka jingphiah noh na jylla Manipur.
“Ki paidbah ki jongngi, kin ym lah shuh ban don ha ka jylla Manipur” la iathuh ki 10 ngut ki MLA riewlum ha ka sngi thohdieng.
Ki 10 ngut ki MLA kiba la pyllait ia ka kyrwoh lyngba ki lad pathai khubor ki kynthup ia u Haokho let Kipgen MLA jong ka Saitu konstitwensi, Ngursanglur Sanate MLA jong ka Tipai mukh konstitwensi, Kimneo Haokip Hangshing MLA jong ka Saikul konstitwensi, Letpao Haokip MLA jong ka Tengnoupaul konstitwensi, LM Khaute MLA ka Churachanpur konstitwensi, Letzamang Haokip MLA ka Henglep konstitwensi, Chinluthang MLA jong ka Singngat konstitwensi, Polienlal Haokip MLA jong ka Saikot konstitwensi, Nemcha Kipgen MLA jong ka Kangpoki konstitwensi bad u Vungjajin valte MLA jong ka Thanlon konstitwensi.
Ki 10 ngut ki MLA ki la iathuh ruh ba ka jing ia umsnam kaba long pyrshah ia ki riewlum, ka dei ban don noh da ka jingphiah na ka jylla Manipur.
Kitei ki MLA ki la kynnoh ruh ba ki dei ki briew ba na ki kynhun Meitei kiba don bun paid tam ha jylla Manipur kiba la wanrah ia ka umsnam ba shyrkhei bad ki riewlum.
Kine ki MLA ki la iathuh ruh ba ka sorkar Manipur ka ai jingkyrshan ia kine ki riew shim kabu kiba don bynta ha kane ka jing ia umsnam.
Ka jylla Manipur ka khlem lah satia ban iada ia ngi,kumta ngi phai khmat sha ka sorkar india ba kan ai noh ia ka jing synshar ba la ka jong lyngba ka riti synshar jong ka ri bad ban shong suk shong sain kum ka jylla ba Marjan bad ka Manipur.
Ha ka sngi palei ka sorkar Manipur ka la kam ba ka shong suk shong shngaiñ hapoh ka jylla bad ka rukom pyniaid ia ki aiñ ki kanun la lah ban tehlakam, wat la ki bun bha ki jingjia kiba dang jia.
U nongaiktien jong ka sorkar Manipur u Th Basanta Kumar Singh, u la kam ba baroh ki bor pahara hapoh ka jylla la lah ban tehlakam.
U Singh u la iathuh ruh ba ka sorkar jylla ka la ialeh shitom katba lah ban wanrah biang ia ka shong suk shong sain hapoh ka jylla.
Ka jingleit jngoh ia ki Sos camp bad ki tiar siat la leh da ki kynhun pulit bad ki shipai jong ka Assam riffle.
Kumba 30 ngut ki briew ki la shah kem haba iadei bad ka jing ia umsnam kaba la pynkhihwin ia ka jylla Manipur ha ka taiew ba la dep. Ki briew kiba iap bad mynsaw ha jylla Manipur ki la poi 68 ngut bad kiba mynsaw pat ki la poi 236 ngut.Ka la don ruh haduh kumba 1794 tylli ki mukotduma haba iadei bad ka jing pynjot pynpra ha kylleng ka jylla.
Ka jing ia umsnam ha ka jylla Manipur, ka la jia hadien ba ka kynhun Meitei ki la dawa ia ka jing ithuh kyrpang ban ioh ia ka ST status.
Ngam sngew lah ngeit ba ki trai ri trai jaka kin phetwir na ka jylla la jong te, ka bym lah ban long, bad ka bym lah ban pdiang…
Ka dei ka jing leh shiliang khmat ka sorkar… Ban poi haduh u ne u pud te la dei ban ai jylla la jong.
Ka jingma ia ngi ruh ha meghalaya ka lah poi namar ki mla jong ngi ki la sdang ban ia kynthoh plt ha ki platform canvas election na kiwei ki seng sain hima sha kiwei ka jingia kynnoh party garo ne party riewlum ka thew jngai bh nmar party garo ne party riewlum ki dei ki juh na ka jylla jong ngi te shaei kan ialm ia ngi haba kum kinr ki jait election