Thung da u BM ba sngewthuh ktien Garo, dawa ka ASWA

Shillong:Ka A’chik Students’ Welfare Associa tion (ASWA) ka la kyrpad ïa ka State Bank of India (SBI) ban thung noh da u Branch Manager ba thymmai hapoh ka Selsella branch jong ka SBI kaba hab hapoh West Garo Hills namar une uba don mynta um sngewthuh ïa ka ktien Garo.

“Na kane ka daw ka la wanrah ka jingeh kaba khraw bha ïa ki nongshong shnong ka thaiñ ban ïakren bad pynpaw ïa ki jingdonkam bad u,” ong ka ASWA ha ka shi thi ba la phah sha ka SBI Regional Office kaba don ha Tura.Ïa katei ka shi thi la soi da ki dkhot ba la Rang bah jong ka seng ASWA’s Selsella unit.