Yn kiew ka jingshit haduh 4 degree ha ki 24 kynta ha Shillong

Shillong: Ka tnat peit mariang jong ka sorkar India, ka pyntip, ba ha ki 24 kynta, ki ban wan, kan kiew ka jingshit ha ka nongbah Shillong bad ki jaka ba marjan, kaba long hapdeng ka 3 haduh 4 degree, na kaba ju long bad katei ka dei na ka jingdon ka lyer shit bad ka jingshit jong ka mariang. Ka lah ban don ka jinghap slap, kaba malu mala ha ki bynta jong ka nongbah Shillong bad ki jaka ba marjan.

Kan don ka jingkhie eriong bad tied pyrthat, ha ki katto katne ki bynta jong ka jylla.

Ka jingshit ha Shillong, mynta ka sngi, kaba shit eh, ka long 27.2 bad kaba khriat eh, ka long 17.6 degree, ha Sohra, kaba shit eh, ka long 27.5 bad kaba khriat eh, ka long 18.2, ha Umiam, kaba shit eh, ka long 31.0 bad kaba khriat eh ka long 16.1 degree.