Shillong: Ka Hill Farmer’s Union West Jaintia Hills District Unit ka khot ka wer ia baroh ki nongrep sha ka jingrakhie ia ka 31st Foundation Day jong ka Hills Farmer Union ka ban long ha ka 13 tarik u Jymmang 2023 ha Ummulong Community Hall (Madan Khawang) ha ka shnong Ummulong, West Jaintia Hills District, Meghalaya. Ha kane ka sngi kaba ka seng ka kynmaw burom ia ka jingsdang ia ka sengbah ki nongrep, yn wan ban sakhi lang da ki nongialam, ki nongkitkam bad ki paidbah nongrep na ki unit jong ka seng na baroh kawei ka jylla bad kumjuh ruh na ki unit ki badon shabar ka jylla.
Ia ki program yn sdang ha ka por 10:00 baje mynstep bad kan don ka jingplie pyrda (Inauguration) ban bud pat da ka jingiaphylliew jingmut hapdeng ki nongrep bad ki sahep sorkar na ki tnad bapher bapher kiba iadei bad ka rep ka riang kumjuh ka kam ri jing ri.
Lygnba une u kyrwoh na u president ka HFU West jaintia Hills Diostrict, bah Mutshwa Thabah, ka seng ka kyrpad ia baroh ki nongrep ban pyllait por khang ban wan sha kane ka jingiakynduh lang ki nongrep bad ruh ban pynsngew ia ki jingeh ba ki iakynduh kum ki nongrep khang ba kum ki nongrep ngin lah ban jop ia ki jingeh da ka jingiatylli bad ka jingiatrei lang.
Phi don ban ong eiei?