Shillong:Ka seng Khasi Students Union (KSU), ha ka sngi nyngkong ka 8 tarik jymmang 2023, ki la pynlong ia ka jingialang sngewlem ha Pynursla haba iadei bad ka jingshah siat iap jong bah (L) Roning Nongkynrih ha ki shipai BSF ha ka miet sngi thohdieng.
Haba ai jing kren ha katei ka sngi u nongkren na ka ïing ka sem jong u tei u ba la khlad noh u la ïathuh ba kum ka ïing ka sem ka mad ia ka jingeh bad jingtynjuh ha kaba wat ban nguid ia ka umbiah ruh, haba iadei bad kane ka jingjia ha kaba na ka liang jong ka ïing, ki sah ha ka umdum.
U tei u Rangbah u la iathuh ruh ba katkum ka jingiathuh jong u para ka long ban ailad ia ki shipai ba kin iaid shakhmat, khnang ban ioh pynhap noh ia ki mar ha kata ka jaka bad ha kum kata ka por la ioh sngew pynban ia ki ktang suloi bad ka long syaid hapoh ka kjat bad ynda la peit la iohi ba u hymmen u dem ka khlieh hadien ba la peit bha la mih da ka snam, na ryndang sha ngap u kuli u la mih arsut ha ki bynta jong ka met.
Kine ki shipai BSF ki lah hiar na kali ban wan peit ioh dang don ba dang im, ha kaba u para u la shong hangta khop ban sngap siar ba lano kita ki shipai BSF kin leit noh na kata ka jaka.
U para u la tah ruh da ka snam jong u hynmen khnang ban ong ba u ruh u la iap ha ka jingtieng bad ka jing syier u la mad ia ka jing sngewsih kaba khraw bad hadien nangta u la phet ruma.
Na ka liang jong ka ïing ka sem jong u tei u lanot ki la kwah ba dei ban kem bad pynshitom ia kito ki shipai BSF kiba donkti katkum ka kyndon aiñ.
Ka ïing ka sem ka pynpaw ruh ka jingkhublei ia ka seng Khasi Students Union (KSU) bad ia u General secretary jong ka seng u bah Donald Thabah, u ba la wan ban ia shim bynta lang ha katei ka jingialang.
Mynta u snem 2023, naduh ba dep Election, ki Jia khah khah ki kam ki bym sngewtynnad, hakane ka Ri Khasi jongngi,khamtam ha poh Pynursla Constituency, to ngin Duwai lem hakaba ki Nongialam baieid eh Jong ngi kin lah ban leh iakaba bha eh naka bynta ka Ri Khasi jongngi,Daka jingtieng Burom ia u Blei bad haka jingialam ka Jong U.