Shillong:Mynhynnin ka sngi ka party People’s Democratic Front (PDF) kila ai ka shithi sha u Lam phang ka Ïingdorbar Thaw Aiñ ka jylla u Thomas A Sangma ban pyntip ba kila pynïasoh bad ka party National People’s Party (NPP).
Ïa ka shithi la ai da u President ka party u Bah Gavin M Mylliem MLA bad la donlang u Bah Bantei dor Lyng doh MLA, ha ka jingïadon lang u Commissioner Secretary u Bah Andrew Saimon, da kane ka jingai ïa kane ka shithi la pyndep ïa ka jingpyn ïasoh ki MLA ka PDF sha ka party NPP.
Da kane ka jingpynïasoh kitei ki arngut ki MLA sha ka NPP mynta ka PDF ka la jah kyrteng na ka jingdon ki seng saiñ pyrthei hapoh ka ïing dorbar Thawaiñ ka jylla, kiba shah mynta ki long ka NPP, UDP, BJP, HSPDP, VPP bad ki dkhot shimet.
Ka jingdon ki MLA jong ka NPP ha ka ïing dorbar kaba 60 ngut mynta ka la kiew sha ka 28 ngut, 26 ngut kiba la jop ïa ka ilekshon na ka tiket jong ka party bad 2 ngut ki MLA ka PDF, ki la pynïasoh bad ka NPP.
u Riewkai Gavin bad u Riewkai Banteidor ki dei ki men die ri…husiar Paidbah na ka buit poh kine