Shah leh beijot ka khynnah 14 snem ha Lawse

Nongstoin, 17 Nailur:
Kawei ka khynnah kaba dang 14 snem ka arta na ka Shnong Lawse WKHD, kala shah leh baijot ha u wei u runar u ba la tip kyrteng kum u Bullstar L. Marshillong 20 snem u ba dei na katei ka juh hi ka shnong.
Na ka liang jong ki pulit ka Nongstoin Police Station ki la iathuh ba katei ka jingjia ka la jia myn ha ka 14 tarik mynta u bnai ha kaba u tei u runar u la leh ia katei ka kam katba katei ka khynnah ka dang don marwei ha la iing.
Ki bahaiing jong katei ka khynah ki la ujor syndon da ka ejehar pyrshah ia u tei u runar ha kaba ki pulit ruh ki leit ban kem noh ia u bad hadien ka jingtohkit la phah noh ia u sha District Court ban leh ia kaba donkam.