Hap ka kali dumper, ha ka riat hajan Lyngkyrdem

Shillong: Mynta ka sngi kawei ka trok dumper ka la hap ha kawei ka riat ha bynta ba hap ha Lyngkyrdem kaba jngai katto katne kilometer na Rngain katba ka dang wan na thaiñ Pynursla ha ka surokbah bah Shillong-Dawki.

Katkum ka jingiathuh ki briew katei ka jaka, kane ka la jia ha ka por 5 baje duna eiei janmiet ha kaba katei ka trok kaba dei trai u rangbah na shnong Lyngkyrdem ka la hap sha riat da kaba tynrah ia ka kynroh ba la ker. Hynrei donbok ba ha kane ka jingjia ym pat ioh jingtip ban don kano kano ka jingjia ba sngewsih lait noh ka jingmynsaw uwei u briew ba la pynkit noh wut wut sha CHC Pynursla.