Shillong: “Nga rung ha ka BJP ka long thik kumba per ha sla sum, donbok lada shu per ka bha palat hynrei lada ngam jyllop kam myntoi shuh, ka bha ngan mih ha ka por kaba dei”, la ong u bah VGK Kynta uwei na ki riew ain ka jylla.
U bah Bevan u la iasoh sha ka BJP ha u Naiwieng 2022 hynrei ula ai daw, ba u hap ban mih noh namar ba ka seng kam shym la lah ban ai kam ai jam eiei ia ban shakri ia ka jylla bad ka jaitbynriew haduh ba un shim noh ia ka rai ban mih noh syndon.
“Ka jingiasoh jong nga bad ka BJP ka long kaba sngewsih bad lehnoh ei namar ba haduh kine ki sngi kam don kano kano ka jingkhot ne ban ai kam ai jam ban shakri”, la ong haba kren mynta ka sngi sha ki lad pathai khubor mynta ka sngi.
Ia ka shithi phet seng u la phah sha u President ka parti ha ka 20 tarik Iaiong 2023, hadien san bnai ba la iadon ha ka BJP.
U la ong ba naduh ba u rung sha ka BJP, kam don satia kano kano ka jingkren ka jingkhot na u President ne ki nongialam ka parti bad ha ka jingsngew jong u, ka long kaba lehnoh ban shu shong thiah sngi khlem ka kam ka jam haba kwah ban shakri ia u paidbah.
“Ki kam ki jam jong nga ki kren kham jam haba nga leh ia kiei kiei, nga leh na bynta ka jingbha ka jaitbynriew, ka jingieid ri jong nga kam duh lano lano ruh. Nga kwah ban pyntip sha ki paralok parajor baroh lada don ka jingbakla lynti jong nga lehse, nga kum kren bein kren khoh ia kiwei ki seng sain pyrthei, lehse lah ban don ka por ba ngan sa don bynta bad kiwei ki seng hynrei ia mynta ngam don bynta shuh bad kano kano ka seng sain pyrthei hynrei ia mynta ngan bteng ban shakri ia ki mat ba ktah ia ka jaitbynriew”, la ong u bah Bevan.
Rung Noh ha u Prah mo bah, ka Jingkyrkhu Kan hap haphi ha baroh ki liang
Lada ki para Khasi ki sngew iahap lah bha palat lada I Bah Kynta in wan noh sha VPP, nga hi nga iohi ba I Bah Kynta I long iba donkam namar I pher na kiwei pat ki riew ain kiba pyrkhat eh tang ia ka malade.