Dheng kali shipor, ha ka sor bah London, ba pakhang u briew ia ka bos

Ka dei ka jingjia, ka bym pat ju kham iohsngew, hynrei, ka dei ka jingshisha, ha kaba uwei u nongleit jingleit, u bym ioh jaka shong shuh ban shong ha ka bos, ula ieng syndon ha khmat bad pakhang lynti, ba kan iaid ka bos ar mala ha ka nongbah London.

Ka jingieng jong utei u briew, ka la pynmih ia ka jingdheng kali ha katei ka surok bah, kaba la jrong kumba katto katne spah meter, hynrei, kaba lyngngoh, ka long, ba ki nongniah kali, ki sngap beit jar bad kim shym la pynpah satia ia ki kali jongki.

Ka la don ka jing iamai kaba shipor, hapdeng u nong pakhang lynti ia ka bos bad u nongniah, uba kren na ka jaka shong jongu bad hadien kata, u nongniah, ula shah ia utei u briew, ba un rung hapoh kali; hynrei hadien ba ula rung, imat, ula sdang sa ka tieng, ba u nongniah, un lah ban leh eiei, ynda ula lait na katei ka shnong jongu bad mar kumta, ula hiar biang noh, ha shwa, ba un siew ia bai tiket.