Leit sngewlem ka KSU East Jaintia hills district Unit, ia ka longïing ha Moolamylliang

Shillong: Ka Khasi Students’ Union, EJHD Unit, ha ka sngi ka 24tarik Ïaiong, 2023, ka seng ka la leit ban Sngewlem ïa kawei ka longïing kaba don ha Moolamylliang Elaka Sutnga East Jaintia Hills district.

Kum ban shu pyn kynmaw kane ka longïing ka la mad ïa ka jingeh bad ka jingduh ba khraw hadien ba kane ka ïing ka la kem ding ha ka por shiteng miet kumba 12 baje eiei ha ka sngi, 23tarik u Bnai Ïaiong 2023. Kane ka ïing ka la ingkhong bad ing lut baroh ki jingdon jingem naduh ki jaiñ kup jaiñ sem ki tiar ïing kum ki pliang ki khiew ki bad kiwei kiwei de ki tiar ba don ha ïing.Kumta hadien ba ka Seng kala ïoh jingtip, mar mar ka la leit ban ai jing ïarap ïa kane ka longïing.

Ka Seng ka kyntu jur ïa ki bor Sorkar ba kin ai ka jing ïarap ka ba kham kloi ïa kane ka longïing. Ha kane ka sngi la ïalam ïa kane ka kynhun da U Samla Rangbah Shaniahskhem Dkhar (Finance Secretary KSU EJHD Unit ), U Samla Shwari Ryngkhlem (Sports Secretary KSU EJHD Unit ), U Samla Senmon Siangshai Sports Secretary KSU Wapung unit.