Pyrshah ki District Council, ban pyntreikam ia ka ain UCC

Shillong:Ki lai tylli ki Autonomous District Council kiba don ha ka jylla Meghalaya, kiba kynthup ia ka Khasi Hills Autonomous District Council (KHADC), ha ka jingialam jong u bah Titostarwell Chy ne, kum u CEM, nangta ka Jaiñtia Hills Autonomous District Council (JHADC), ha ka jingialam jong u ma Thombor Shiwat kum u CEM bad ka Garo Hills Autonomous District Council (GHA DC), ha ka jingialam jong u Albinush Ma rak kum u CEM, ki la shim lang ia ka rai bad ban mynjurlang ban pyrshah beit ia ka jingthmu jong ka sorkar India, ban pyntreikam ia ka Uniform Civil Code (UCC) ha ka jylla Meghalaya.

Ia kane ka rai la shim da ka kine ki lai tylli ki Autonomous District Council, ha ka jingialang jong ki lai ngut ki Chief Executive Members (CEM), ba kynthup ia u CEM jong ka KHADC, JHADC bad ka GHADC ba la pynlong ha nongbah Shillong.

“Ngi la shim lang da kawei ka rai ba ngin pyrshah ia ka rai ban pyntreikam ia ka UCC, ha kito ki bynta kiba hap ha ki Sixth Schedule. Na ka liang jong ki lai tylli ki konsil kin sa pyrshah bad ngin shim ruh ia ka rai, lyngba ka dorbar ha la ki jong ki jong ki Council, haba iadei bad kane ka mat”, la iathuh u bah Titostarwell Chyne.
Ka UCC, ka dei ka jing tyrwa ban pyntreikam ia ki aiñ shimet jong ki nong shong shnong kaban treikam ia baroh ki nong shong shnong.

Ka jingialang ka la iatai sani bha haba iadei bad ka jingthmu jong ka sorkar pdeng ban wanrah ia ka UCC bill, ha kaba u la pynsngew ruh ba ka UCC hi kan ktah ia ka jingtreikam bad ka bor jong ki Autonomous District Council, naduh ki shnong ki thaw ki riti ki dustur bad ki jingle tynrai ruh kumjuh.

U bah Titostarwell Chyne, u la iathuh ruh ba yn sa khot ia ka dorbar ba kyrpang haba iadei bad kane ka kam bad ha u bnai ban wan ki la ban khot ia ka dorbar, namar ki kwah ban pynstet ia kane ka kam.
Ka UCC, ka don Shibun ki jingeh, kan ktah ia ka riti dustur, kum ka iakyntiew kurim bad shisien ba ka UCC kan treikam, ngin sa don noh ia ka jingkyntiew kurim ba kumjuh, katba ka riti dustur ka jong ngi pat ka jingkyntiew kurim ka ia pher bha, kumta ka jingkyntiew kurim ha ka niam bad ka riti dustur kan shah ktah. U la ong ruh ba kum ki schedule Tribe,ka jing pyntreikam ia ka UCC ka dei ka bym lah satia ban pdiang hapoh ka jylla.

U CEM jong ka KHADC, u la iathuh ruh ba ka sorkar jylla, ka dei ban shim da ka juh ka lynti, shisien ba ki lai tylli ki Autonomous District Council ki la mynjur bad shimlang da kawei ka rai ban pyrshah, kumba la leh haba iadei bad ka CAA.
La da ia ka CAA, la pyllait na ki jaka kiba hap ha ki sixth schedule, ka UCC ruh ka dei ban long kumjuh bad kam dei ban treikam ha ki jaka ba hap ha ki Sixth Schedule, namar kata la dawa ban pyllait ia ka UCC, na ki jaka ba hap ha ki Sixth Schedule.