Naduh Lber haduh Risaw; pynlong ia ka Tura, kum ka nongbah ka Jylla, ong ka TGCSU

Shillong:Ki samla pule jong ka Tura Goverment college,ha ka shatri jong ka Tura Goverment college students union (TGC SU), ki la mih sha khmat ban ai lem ka jingkyrshan ia ka jing dawa jong ka kynhun ACHIK ban don noh ia ka nongbah jong ka jylla ha ki por tlang ha Tura bad ban shim beit ba ka snem mait kyrteng na bynta ban pyntreikam ia ka roster system kan dei beit na u snem 1972.

Ha ka jing pyllait khubor ha ka sngi nyngkong u pre sident jong ka TGSCU, u Anand CH Momin u la ong,ba ki nongialam jong ka Tura College Students Union, kum ka kyn hun jong ki samla pule ka pynpaw bad ka ïeng skhem ba ka kynhun hi ka ai ka jingkyrshan ia ka kynhu ACHIK haba iadei bad ka jing dawa ka jong ki ia ka nongbah jong ka jylla ha ki por tlang bad shim ia u snem ot kyrteng ban pyntreikam ia ka roster system kan dei na u snem 1972.

Haba buh ka jing dawa na ka sorkar, haba iadei bad ka nongbah jong ka jylla ha ka por tlang ha nongbah Tura, u la iathuh ba ka dei ka jingphohsniew jong ki kpa tymmen ki jong ki, kiba ha shwa naduh ba la ioh ia ka jylla lajong ha u snem 1972 bad dei ban pynurlong ia ka jingiohi jngai jong kito kiba la saiñdur ia ka jylla ha ki por kiba mynshwa. Kane ka kynhun kam don satia kata ka jingartatien ba ka nongbah tlang ne ka nongbah ba ar jong ka jylla, dei ban ia mynjur lang da baroh ki nongialam jong ka jylla naduh ba la thaw ia ka jylla, u la bynrap.

U Momin u la kam ruh ba ka daw ba pynlong ia ka jingbym ia sngewthuh jingmut hapdeng lai tylli ki kynhun jaitbynriew ha ka jylla, ka dei namar ka jing bym pyntreikam ia ka Tura kum ka nongbah jong ka jylla ha ki por tlang.

U la iathuh shuh ruh ba ka nongbah Tura, kan long kum ka nongbah ba ar jong ka jylla ha ki hynriew bnai, kata naduh u bnai Risaw haduh u bnai Lber bad ki bnai ba dang sah pat ka nongbah kan dei beit ha Shillong.
Kumta, ka jingdawa jong ka kynhun ka dawa ia ka jingpyntreikam mardor ia ka nongbah Tura, kum ka nongbah jong ka jylla ha ka por tlang bad ka seng ka ai ruh ka jingkyrshan ba pura haba iadei bad ka jingdawa jong ki ACHIK halor kane ka mat bad kin iatreilang haduh ba kane ka jingdawa kan urlong, la pynpaw u momin.