Shillong:Ka kynhun jong ki nongtrei jong ka MeECL kaba la tip kum ka Coordination Committee of regis tered MeECL (em ployee) association & union (CCORMUA), ki don ka hok ban pyn sngew haba iadei bad ki ba bun tylli ki jingeh ba ki nongtrei jong ka MeECL ki ia kynduh, haba iadei bad ka jingpynmlien ban siew slem ia ka tulop kaba dei ka hok jong ki nongtrei.
Katkum ka section ba 17 jong ka code of wages 2019, ka la batai shai ba ki nongtrei ki dei ban ioh ia ka jingsiew ha ka shibnai shitaiew hadien ba la wan u bnai ba thymmai.
Katei ka seng, ka dawa namarkata na U Chairman Cum Managing Director, ka MeECL, ha kaba la dawa ban pyllait noh ia ka tulop. Hynrei ka seng, ka sngew babe ban tip ba wat la ki la buh jingkyrpad na ka por sha ka por, hynrei haduh mynta, kim pat pyllait satia ia ka tulop jong u bnai lber 2023 bad kumta ka CCORMUA ka la shong ia ka jingialang ba kyrkieh ha ka 20 tarik iaiong 2023 ha kaba la shim ruh ia ki katto katne tylli ki rai.
Ki rai ba la shim ha katei ka jingialang ki long ba ia ka tulop jong u bnai lber, dei ban pyllait noh lashai ka sngi 21 tarik iaiong 2023,ka dei ruh ka sngi ba khatduh bad lada kim pyllait ia ka tulop ka kynhun, hi kan pynlong da ka jing shong kyllaiñ myngngor ha ki ophis treikam ki jong ki, ha ki sngi ba long trei.
La shim ruh ia ka rai ba ka jing siew tulop ha kito ki bnai ka dei beit ban long katkum ka code of wages 2019, lada ym bud ia kane ka kyndon ka jing shong kyllaiñ myngngor ha ki ophis treikam ha ka sngi long trei yn sa pynlong.
Tang shi bnai slem tulop ruh ki la kyrthad ban dei kum ki nonghikai slem 4 bnai ne 5 ta te ki la iap syndon