Shillong: Ka Alumni Association Seng Khasi College (AASKC), kan pynlong ia Ka Mini Fete ha ka 21 Iaiong 2023 ka ban sdang naduh ka por 10:00 baje mynstep haduh 5:00 baje janmiet ha phyllaw jong ka Seng Khasi College, Jaiaw.
Katkum ka kyrwoh khubor ba la phah da u bah Commander Shangpliang Publicity Secretary jong ka Mini Fete la ong ba na ka liang jong I President jong ka Alumni Association, Kong B Marbaniang I la pyntip ba la seng ia ka Association ha u snem ba la dep kata ha ka 23 tarik Naitung 2022 ha ryngkat ka jingiadon lang jong i Principal Sir W.B.Rynjah , Ki Nonghikai bad Ki alumni hapoh ka phyllaw jong Ka Seng Khasi College.
Ka jingthmu ban seng ia kane ka Association ka long ba ngi ki Passed-Out Student Lane ki Alumni jong kane ka College kum ka kynhun ki lah ban iasnohkti lang ban ia noh synniang lang la ha ino ino i bynta katba lah la i jong i bor naka bynta ka bha ka miat jong ka Seng Khasi College ha ka lawei ka ban dang wan.
Shuh shuh laong ba Ka Seng Khasi College ha une u snem ba mynta 2023, ka don ha ka lynti jong ka jingdap 50 (sanphew) Snem lane Ka Golden Jubilee. Ka jingrakhe ia kane ka Golden Jubilee kan long ha ka 28th Nailar 2023. Kumta kum ka dak ban ai ia la ki jingkyrshan sha ka College, ka Executive Committee jong ka Alumni ka lah rai ban pynlong ia Ka Mini Fete ha ka 21 Iaiong 2023 ha ka por 10:00 baje mynstep haduh 5:00 baje janmiet ha kaba la iawer sngewbha lang ia ki para-Alumni ban ia poi lang ha katei ka sngi, ban ia don ryngkat lang bad ngi khnang ba ka jingthmu kan long ka ba jop.
Na ka liang ka Committee ka kyrpad ia ki para-Alumni ban ia noh sngewbha lang ia u synniang ba kylluid mynsiem sha ka Alumni Association khnang ban lah ban pyntyllun ia ki kam ki jam katkum ka jingthmu jong ka Alumni Association.
Ha kawei pat ka liang, u Bah K.A. Kharbudon uba dei u General Secretary jong ka Alumni Association jong ka Seng Khasi College u la pyntip ba kan don ka jingialang ha ka 15 tarik mynta u bnai ha Seng Khasi College ha ka por 12 baje shiteng sngi bad la khot lang ia baroh ki alumni lane kiba pyndep ia ka jingpule na Seng Khasi College ba kin iawan lang ha katei ka sngi 15 tarik khnang ba ka jingthmu ban pynlong ia ka Mini Fete bad kiwei kiwei ki kam jong ka Association kin long kiba iaid beit iaid ryntih, pynkut ka kyrwoh khubor ba la phah da u bah Commander Shangpliang.
Phi don ban ong eiei?