Sngewnguh ka NSUS, ïa ka KSU ba ki pyni, halor ka jingshah thombor ki Naga

Shilong:Ka seng samla pule ka Naga Students’ Union Shillong (NSUS) ka la pynpaw ïa ka jingsngewnguh ïa ka KSU, namar ba ka pyni ïa ka jingshah thombor ki samla pule Naga ha u snem 1979 ha ka phlim ba la pynmih da ka seng.

Ïa kane ka jingai burom sha ki nongïalam jong ka KSU la lamkhmat ïa kane ka kynhun da u samla Moranthyel Saka Uipo, u ba dei u General Secretary barim ka NSUS bad u President ka Uipo Naga Students’ Union Shillong.

La don ryngkat ruh u samla Pyntngen Mashli uba dei u President ka Students’ Bar Association ka Shillong Law College bad kiwei ki dkhot. Kine ruh ki la pynpaw ba ka phlim ka KSU ka la ai jingtip bad jinghikai halor ha history jong ka Jaitbynriew.

Ïa kane ka jingai burom na ka liang jong ki seng samla pule Naga Students Union Shillong ha ka jingïakynduh kaba kila pynlong ha Shillong Club, ka KSU la ka pyni ïa ka jingshah thombor ki Naga ha Shillong ha ka phlim 1978-KSU SHIRTA.