Ka Sorkar pdeng bad ka sorkar jylla, kin pyrshang bor bah ia ka lynti rel, ong ka KHNAM

Shillong:U bah F Marpna, General Secretary jong ka KHNAM, ha ka kyrwoh khubor, mynta ka sngi, ula ong ba u Myntri Rangbah ka jylla, ula iai pynmih khubor, halor ka mat jong ka lynti rel, bad kam dei shuh kaba phylla, hynrei ka la shai ba ka sorkar pdeng bad ka sorkar jylla, kin pyrshang bor bah ban pyndep ia kane ka jingthmu.

Kumba ka seng ka la juh pynsngew sha ka sorkar jylla, halor ka nongrim “Ngim pat pdiang ia ka lynti rel katba ym pat pyntreikam ia ka ILP, ha ka jylla Meghalaya baroh kawei. Ka jingkren jong U Myntri Rangbah shaphang ka Rel kit mar kamdei ban pyngngop ia u paidbah ka jylla, namar lada la pdiang ia ka lynti rel, tang kata ka la kut. Ha ka jaka ban kren lane ban pyrshan ban wanrah lynti rel jubor, kan bha ia ka sorkar jylla ban kham pylleit por ban pyrkhat kumno ban pyntreikam noh ia ka ILP, namar ka nongrim ka jong ka seng ka long “Ai ia ngi ka ILP, sa wanrah Lynti Rel Pat”.

Ka KHNAM, ka kyntu ruh ia ka KHADC ba kamdei satia ban ai NOC da leilei ruh halor kane ka kam, ia ka rel kit mar ne ka rel kit briew khlem da pyntreikam ia ka ILP.