Shillong:Ki samla kiba dei na ka shnong Umdang kaba hap hapoh jong ka West Khasi District ki la duh ban leit thoh ia ka eksa min, wad kam hapoh jong ka District Session Judge ha nongstoin, namar ba poi slem ki shithi lyngba ka BOP Shallang sha ki samla.
Khlem da pyn paw ia ka kyrteng jong ki samla, kiba la duh ban leit thoh ia ka eksamin LDA hapoh jong ka DSJ Nongstoin la iathuh ba katkum ka shithi katei ka eksamin ka long ha ka 22nd Lber 2023, katba ka shithi ki dang ioh ha ka 25th Lber 2025, kitei ki samla ki kynnoh dei na ka jingleh sting kiba trei ha post ophis.
Na ka shithi kumba ka paw na ka liang jong ka District Selection Committee jong ka District Session Judge jong ka West Khasi Hills District Nongstoin kala phah ia ka shithi ban pyntip ia kane ka eksamin naduh ka 22/Rymphang/2023 ba ka eksam kan long ha ka 22/Lber/2023, hynrei ka shithi ka dang poi h ka 25/Lber/2023.
Na ka liang jong ki samla kiba la duh ban ia khun ia katei ka eksamin ki la kynnoh ba kane ka jingjia baroh ka dei na ka jingleh sting jong ka Post Ophis, la iathuh ba kane ka shithi ka mih na Nongstoin bad ka Post ophis ka hap ha Riangdio bad ka shnong Umdang ka hap hapoh jong ka BOP Shallang.
La kynnoh ba ia ki shithi kiba poi ym juh don ba pynpoi, hynrei la buh beit ha ki dukan shnong bad na ki dukan ki juh pyntip sha kiba dei ban ioh namar ha nongkyndong da iatip ka dei ka jongno ka shithi kaba poi bad ki trai dukan ki juh pynai sha kiba dei ban ioh.
La iathuh ba kum kane ka jingjia ban ioh slem ia ki shithi eksam wat kam kam dei kaba nyngkong hynrei ki la juh jia bun sien kum kine ia ki samla ym tang ha ka shnong Umdang hynrei kiwei ruh ki shnong, lada ki post ophis ki leh kumne ka pynduh ban leit thoh eksamin ia ki samla wat kam. Ki la buh ia ka jingkylli mano ban shim ia ka jingkitkhlieh.
Kum kitei ki jingjia ki iai jia lynter ha poh Nongstoin PO bad bunsien ki postman ne ki delivery person jong ka PO Nongstoin kim ju leit ai hynrei ki shu phon bad ki ong sa wan shim hangta hangta lane nangta nangta ngi la buh ha dukan jong ita ne kata.Kane ka dei ka jingshisha.
Ha kawei ka Liang ruh nga sngew kumba Ka Clear address nyngkong mo ka ba kham kongsan. Lada khlem ki address ki ba biang ruh ka lah ban jia kumne bad ruh u number phone ruh u ba donkam haba ki letters kidei ki ba donkam.