Plie ki CRPF ia ka iingskul, ba ki la shna ha shnong Purangang

Nongpoh: Mynsngi thohdieng, ki Pulit Central Reserve Police Force (CRPF) jong ka 67 Battalion na Nongpoh, ki la leit ban plie paidbah noh ia ka skul Seng Khasi Primary School kaba don hapoh ka shnong Purangang Marngar, Ri Bhoi, kaba ki la pynmaramot thymmai ia ka iingskul kaba la rim.

Lyngba jong katei ka sngi, kitei ki Pulit CRPF, ki la lah ruh ban aiti sngewbha da ki tiar ialehkai sha ki khynnah skul ka Sankardev Secondary School kaba don ha shnong Marngar.
Ha katei ka sngi, u Alok Bachattarry, Commandant ka 67 Battalion Nongpoh, u la long kum u kongsan, ha ryngkat ka jingdon u Ajay Kumar, 2nd Commandant ka 67 Battallion lem bad shibun ki riew rangbah jong katei ka thain.

Ia katei ka kam ban iarap pynbha ia katei ka skul bad ruh ban iarap sha ki khynnah jong ka Sankardev SS, kitei pulit CRPF, ki la ioh ban iarap lyngba kawei ka prokram kaba la tip kum ka Civic Action Programme.