Kurup droks bad kali Maruti, ki pulit East Jaintia, shah kem 2ngut ki khar Bihar

Shillong: Mynta ka sngi, ka 14tarik Lber 2023, ki pulit ka East Jaintia hills, ki ioh khubor, ba ki don arngut ki nongkhaii droks, kiba iaid lyngka kawei ka kali Maruti Sx4 B, kaba don ia u number AS 01 AN 3312, ha kaba ki wan na Kalain sha Khliehriat. La pynlong ka jingtalasi ha ka khyrdop ha Umtyra, ha ka por 6.15 baje mynta ka step.

Ha ka jingtalasi, la lap ia 117 song, u droks ba la song bad buhrieh ha ka rear jong katei ka kali bad la tip, ba utei u dei u marijuana, ha kaba ka jingkhia, ka long 71.476 kilo. La kem ia arngut kiba don ha katei ka kali, kiba kyrteng U Babalu Singh (56) bad U Suranjan Mahto (39) bad kine baroh arngut, ki dei kiba na Bihar.

Nalor u kanja, la ioh kurup na ki, ia ar tylli ki mobile phone bad kawei ka kali Maruti Sx4.