Ka Mukroh ka hap ha Assam; kam U Himanta ha iing dorbar

Guwahati:U Myntri Rangbah jong ka jylla Assam u la iathuh ba ka sh nong Mukroh ka hap hapoh u pud u sam jong ka jylla Assam.

Haba iathuh ia kane ha ka 13 tarik Lber 2023, hapoh ïing dorbar thawaiñ jong ka jylla Assam, haba iadei bad ka jing kylli ba la wanrah da u MLA jong ka BJP u Bidyasing Engleng,la ka shnong Mukroh ka dang dei ha jylla Assam ne ka la hap noh sha jylla Meghalaya.

Haba jubab ia ka jingkylli jong u Engleng, u Himanta u la iathuh hapoh ka ïing dorbar ba ka shnong Mukroh ka dang hap ha u pud u sam jong ka jylla Assam bad ka hap ruh ha ka jingpeit jing khmih jong ka West Karbi Anglong District.
U Himanta Bis wa Sharma, bunsien u juh pynpaw ba ka shnong Mukroh ka hap ha ka jylla Meghalaya, wat ha ka jingialang jong ki kynhun myntri ha ka 23 tarik Nohprah 2022 ruh u dang kam ba ka shnong Mukroh hi ka hap ha ki bynta jong ka jylla Meghalaya.

Ka jing ia kulmar hapdeng ka kynhun ki Pulit na jylla Assam bad ka kynhun jong ki nongtuh dieng na jylla Meghalaya ka jia bad dei ha u pud u sam jong ka jylla Assam.
Ka kynhun jong ki Pulit ka jylla Assam ha ka jing iadon ryngkat lang ka kynhun pahara khlaw ka jylla Assam ba la tip kum ki Forest Protection Force (FPF), la iathuh u myntri rangbah ka jylla Assam ha ba pule ia ka jingtohkit jong u Superintendent of police.
Haba jubab pat ia ka jingkam jong ka jylla Meghalaya, ba ka Mukroh ka dang hap ha jylla Meghalaya,u Himanta Biswa Sharma u la iathuh ba ka sorkar Assam ka dang peit bniah ia ka jing dawa jong ka sorkar Meghalaya, haba iadei bad ka shnong Mukroh.

Ha ka tweet jong uwei u samla, U Ma Emidao Shylla, ula kynthoh ia U Sarma, da kaba ong “Kumno phi kylla ktien dalade bad ialade hi Mr CM”? bad u ong shuh “Ha ka jingialang jong ka kynhun myntri ha ka 23tarik U Naiwieng 2022, phi ong ba ka Mukroh ka hap ha Meghalaya. Mynta ha iing dorbar jong ka Assam, phi ong ba ka jaka ia kajia hapdeng ki pulit ka Assam bad ki pulit ka Meghalaya, ka hap ha u pud u sam jong ka Assam bad ka hap hapoh ka jingpeit jong ka Karbi Anglong District. Kum u nongshong shnong, nga sngew kyndit halor ki jingkren jliah prie jongphi”.