Shillong:Ka Maitshaphrang Movement, ha ka 13 tarik u Lber 2023, haba ai jingkren sha ki lad pathai khubor, lyngba u Bah Michael N Syiem, u la ai jingkren ha kaba ia dei bad ka mat kaba la slem, kata ban ioh pateng bad ioh bynta lang khun kynthei bad khun shynrang.
U bah Michael N. Syiem u la ong ba ka jylla ka la dei ban pynlong aiñ noh ban pynioh bynta lang ia baroh ki khun kynthei bad khun shynrang, khnang ba ka jaitbyn riew kan khlaiñ ha ka khaii ka pateng kumba long lem kiwei ki ri ka pyrthei. Kane ka jingmih jong u ka long shibynta ban pan jingkyrshan na ki paitbah nongshong shnong, ong u bah Micheal.
Shuh shuh u la ong ba ka jylla ka long kaba eh ban wad kam sorkar bad ka la dei ka por ban phai khmat ha ki kam lajong bad ka donkam ban pynkylla noh ban ai bynta ia ki khun khnang ban ioh ia ka bai seng bad jingkyrshan naduh na iing bad ban bat hi ia ka khaii ka pateng.
Shuh shuh u la ong ruh ba mynta ki kmie ki kpa ki kwah da u pyrsa u ba khlaiñ tyrpeng, hynrei lada ia u khun lajong pat kin lah ban pynkhlaiñ kata kam shongñia eiei. Hynrei ba lada ai bynta lang ia ki khun baroh khamtam ia ki khun shynrang kan pynim biang ia ka mynsiem ban ia khun.
U Bah Michael N Syiem u la pynkynmaw ruh ia ka kyntien slogan ka seng kaba ong “Ngi mih na ka juh ka kpoh balei ba don tang i wei i nongioh ai bynta ia ki khun baroh lang kynthei bad shynrang”.
Ai ba ka jing shemphang kiba MYNTA ia ka LAWEI ki pateng ba kan roi ka ioh ka kot kan KYLLA katkum ka por.
Ki longshwa mynshwa kim dei kita ki blei ba ngin nym ia KYLLA shuh.
Ngi hap ban pynlong ain ia kane
Nga ruh nga sngew ia hap ia kata, lada ngim lah ban ai jait sha u kpa ruh lada shu ai lang ka bhah mar kumjuh kumba ia mih kumjuh na kajuh. Ka la pynkhlain ia ka kur ka jait bad ia ka jait bynriew ruh.