Lada wan ka thma ruh, ngi ngeit ha U Blei, ngi ioh jingjop, ong U Pastor

Shillong:Ki nongialam jong ka balang Jesus Christ Riatsamthiah, mynhynnin ka sngi nyngkong ki la wan ban pyllait paitbah ia ka jingrwai Khasi Worship Album, kaba ha ka kyrteng khasi la ai kyrteng “Jingjop”.

Ka jingthmu ban thaw bad shna ia kane ka jingrwai ka long ban pynsngew sha ki paitbah ka jylla hi baroh kawei ba ka dei ka jingpynlah ka jong u Blei ba ki la lah ban ban pynmih ia ka sur ba la thoh bha bad ban rwai ruh. Ia kane ka jingrwai la pyllait ruh ha ka YouTube channel jong ka Balang kaba la ai kyrteng “Church of Jesus Christ Riatsamthiah”.

Ha ka jingiakren bad ki nongthoh khubor, na ka liang u Pastor Iashanboklang Ryntathiang, u la ong ba ka jingpynmih ia kane ka Khasi Worship Album, ka dei beit tang ia ki briew kiba mane bad shakri ia u Blei.

Shuh shuh u la ong ba ka daw ba la ai ia katei ka kyrteng “Jingjop” ba ha ka jingiaid lynti jong ka jing mane bad jing iaroh, ka don ka jing pyllait ka jong u Blei ia ki briew ba kin ioh mad ia ka jingjop kaba khraw bad khamtam eh ka jingtynjuh kaba bun, ka jingialeh kiba bun ki briew ki ialeh, ka jinglynga ka jing pisa, hynrei katna ki ia iaid lynti pat de bad u Blei jong ka jingnguh jing mane bad jingiaroh bad khamtam eh kane ka jingrwai ka la long, ka jingpyrsad mynsiem kampher la ki wan ki thma, hynrei ka jingjop pat ngin ioh, la bynrap u pastor.