Nongpoh: Ka kyrwoh na ka KSU, ka iathuh ba mynta ka sngi, ki nongialam ha ryngkat bad ki dkhot ka KSU Umsning Circle, ki la ioh ban bat haduh 90 ngut ki bar jylla, kiba la rung beain sha ka jylla khlem ki kot ki sla ba biang bad kiba thmu ban leit trei bylla ha ki katto katne ki Karkhana Dewbilat kiba don ha East Jaintia Hills.
La pynpaw ruh, ba ka jingiohbat KSU ia kitei ki bar jylla, kiba la shong ha ar-tylli ki bos na Assam, ka dei hadien ba ki la ipher ia ka rukom wan ka jong ki, kumta haba ki KSU, ki la bat bad kylli pyrthew ha ki thaiñ Umsning, la lap ba kitei ki bar jylla kiba don palat 90, kim don ia ki kot ki sla kiba biang ban rung sha ka jylla, kaba pynpaw ba ki thmu ban rung beain bad pynkhein ruh ia ka Inter-state Migrants Workmen (Regulations of Employment and Conditions of Service) Act 2011.
Haba la iohbat ia kitei ki bar jylla, ki KSU ki la kylli na kitei ki bar jylla, ba ha kano ka rukom ki ioh ban rung sha ka jylla, khlem ki kot ki sla kiba biang bad kaba la pynkyndit eh ia ki KSU, ka dei hadien ba kitei ki bar jylla, ki la iathuh ba ki siew T. 4000 hapoh Infiltration Check Gate kaba don ha Byrnihat.
Ia kitei ki bar jylla, kaba la bat da ki KSU, la wan shimti noh da ki pulit Umsning bad kiba la shimkhia ban pynphai noh ia ki sha Assam.
Namarkata, na ka liang ka KSU ka buh ia ka jingmaham kaba tyngeh ia kito ki nongaibylla, ba kim dei ban wanrah nongtrei bar jylla khlem ki kot ki sla, namar ka KSU hi kam ailad ia ki briew nabar, ba kin shu wan trei beain khlem ki kot ki sla kiba biang.
ym dei ban maham tang ia ki nongaibylla, maham, byrngem tyngeh ia kito ki nongtrei ha infiltration check gate kiba bam Pisa la kumba khlem siew tulop ia ki.
kito ki ba trei hangto Kim da check bha ki shu peit kumto,,,,,,,te nga tharai bun ki wei ki ioh rung ha ki wei ki wei ki sngi,,,,,,,,,,,torti ka rukom check Jong ki……..
kito ki ba trei ha infiltration gate Kim da check bha ki shu peit kumto,,,,,,,te nga tharai bun ki wei ki ioh rung ha ki wei ki wei ki sngi,,,,,,,,,,,torti ka rukom check Jong ki……..dei ban wad bniah bha ia uto Malik nong ai bylla ruh dei ban ai ka fine ba heh ia u …….