Jur tam ka jingioh kurup pisa bad shah kem, ha ka elekshon 2023

Shillong:U khliehduh jong ka tnat pulit ka jylla Meghalaya,u Director General of police (DIG),Dr LR Bishnoi u la iathuh ha ka sngi thohdieng ba haduh kum ba 16 tylli ki case la ujor bad 69 ngut ki briew, ki la shah kem katba ka elekshon jied nongtha waiñ thymmai jong ka Meghalaya Legislative assembly ka dang iaid.
U la iathuh ruh ba haduh 13 tylli ki case ki don ka jing iajan bha ha ki por ka elekshon bad lai tylli kiwei pat hadien jong ka elekshon. Haduh 56 ngut ki briew la kem ha ka por elekshon bad 13 ngut pat lah kem hadien jong ka sngi thep Vote.

Ka elekshon ka iaid beit iaid ryntih, hynrei ka la don pat ka jing shahkem jong ki ba bun ki briew. Ka jingioh kurup drok ka jur bha duh ba ka la pynkheiñ ruh ia ka rekod jong ka jingioh kurupha ki 50 tylli ki Snem kiba la dep. Kiba la ioh kurup ki long palat ia ka 77-76 klur tyngka kaba long phra shah ia kaei kaba la ioh kurup ha ki khyndiat snem mynshwa.

Katba ka elekshon ka dang iaid, ki pulit ki la ioh kurup haduh kumba 3.06 klur ka pisa, ka kyiad ba shongdor 1.95 klur tyngka, u drok ba palat 12 klur tyngka, ka ksiar 30 lak tyngka bad 30 lak tyngka ki tiar ba la mut sam ei ha ki por elekshon. Ka jylla Meghalaya ka la wan ha khliehduh ha ka jing ioh kurup ha ki lai tylli ki jylla jong ka thaiñ shatei lammihngi, kum ka Tripura bad Nagaland ha kaba ka elekshon ba dang shu dep shen.

U DGP u la iathuh, ba ka kynhun pulit ha ki hynriew bnai ba dang shu dep ki la ioh kurup ia ki jingdih pynbuaid bun bha ha kaba la pynkheiñ ruh ia ka rekod ba ki la ioh kurup 50 snem mynshwa naduh ba ioh ia ka jylla. U la iathuh ruh ba ki nongkhaïi drok ki bteng ban khaïi tang hadien ba ki la ioh jamin, kumta kin pyntreikam noh ia PITNDPS Act 1985, ka ban lah ban iada ia kine ki kam beaiñ.
“Ngi la phah 10 tylli ki jing tyrwa sha ka sorkar, kaba don mynta hapdeng ki jing peit bniah ha kaba ka kynhun ai jingmut ban shim rai halor kane ka bynta la dep ban thung, kumta tang shu ioh jingmynjur kino kino kiba leh biang kumjuh yn sa phah beit sha patok khlem kano kano ka jamin” ong u heh pulit.